پاکستان شوبزانڈسٹری کی اداکارہ اور نامور اداکارعمران اشرف کی سابق اہلیہ کرن اشفاق نے دوسری شادی پر تنقید کرنے والوں کو کرارا جواب دے دیا۔

حال ہی میں اداکارہ و ماڈل کرن اشفاق نے دوسری شادی کی ہے، ان کی تقریب کی تصاویر اور ویڈیوز سوشل میڈیا پر خوب وائرل ہو رہی ہیں۔

سوشل میڈیا پر وائرل ہونے والی ان تصاویر اور ویڈیوز میں دیکھا جاسکتا ہے کہ کرن اشفاق نے سفید رنگ کا خوبصورت لباس زیبِ تن کیا ہوا ہے۔

ان کی دوسری شادی کی خبر سامنے آتے ہی جہاں ایک طرف شوبز انڈسٹری سے تعلق رکھنے والے افراد نے انہیں مبارکباد دی، وہیں صارفین کی اکثریت نے انہیں طلاق کے بعد جلد دوسری شادی کرنے پر تنقید کا بھی نشانہ بنایا۔

کرن اشفاق نے ناقدین کو آڑے ہاتھوں لیتے ہوئے جواب دیاکہ آپ کا مطلب ہے کہ میں بیٹھی رہتی؟ میرے والدین مجھے تنہا دیکھ کر روتے اور پریشان رہتے؟ کیا میں شادی نہ کرتی بس کسی کی طلاق کے نام پر بیٹھی رہتی؟

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by lollywoodspace (@lollywoodspace)

علیزہ سلطان کی کرن اشفاق کو دوسری شادی پر مبارکباد توجہ کا مرکز بن گئی

انہوں نے ایک اور صارف کو جواب دیتے ہوئے کہا کہ عمران اشرف سے طلاق لی نہیں تھی بلکہ انہوں نے طلاق دی تھی۔

اس کے ساتھ ہی کرن اشفاق نے اظہار تشکر کرتے ہوئے لکھا کہ اللہ تعالی نے بہتر انسان سے نوازا ہے۔