بھارتی فلم انڈسٹری نے بہت سے ایسے اداکار دیکھے ہیں جنہوں نے سنیما سے محبت کرنے والوں کے ذہنوں پر اپنا نقش چھوڑا ہے، ان میں سے ایک تجربہ کار اداکار ساجد خان بھی تھے، وہ مشہور فلم مدر انڈیا میں نوجوان سنیل دت کا کردار ادا کرنے کے لیے مشہور تھے۔

22 دسمبر کو 70 سال کی عمر میں کینسر کے باعث اداکار ساجد خان کا انتقال کر گئے۔

اس حوالے سے اداکار کے بیٹے سمیر کا کہنا ہے کہ، ساجد خانچھ عرصے سے کینسر سے لڑ رہے تھے جس کے باعث ان کا انتقال جمعہ (22 دسمبر) کو ہوا۔

سمیر نے مزید بتایا کہ میرے والد کو راجکمار پتامبر رانا اور سنیتا پتامبر نے گود لیا تھا اور ان کی پرورش فلم ساز محبوب خان نے کی۔ فلموں میں غیر فعال رہنے کے بعد، وہ بنیادی طور پر انسان دوستی میں مصروف ہو گئے۔

انہوں نے بتایا کہ وہ کیرالہ میں اپنی دوسری بیوی کے ساتھ رہتے تھے اور انہیں کیرالہ کے الاپپوزا ضلع میں قائم کلم ٹاؤن جمعہ مسجد میں سپرد خاک کیا گیا ہے۔

اداکار نے بطور چائلڈ ایکٹر اپنے کیریئر کا آغاز 1955 میں محبوب خان کی ہدایت کاری میں بننے والی فلم مدر انڈیا سے کیا۔ انہیں سن آف انڈیا، مایا، دی ان میڈ فلمز، دی سنگنگ فلپائنا، مائی فنی گرل، سویرا، مہاتما اینڈ دی میڈ بوائے، دو نمبر کے امیر، زندگی اور طوفان، مندر مسجد اور دشت، جیسی فلموں میں کام کرنے کا سہرا بھی جاتا ہے۔ جن میں سے کچھ کو بین الاقوامی سطح پر سراہا گیا۔ ان کی آخری فلم 1983 میں ہیٹ اینڈ ڈسٹ تھی۔

اس کے علاوہ اداکار نے اپنے کیریئر میں کئی اہم شخصیات کے ساتھ کام کیا جن میں محبوب خان، نرگس، ایلن اور ماریس کنگ، ڈک کلارک، سیلی فیلڈ، ششی کپور، رامسی برادرز، سال مینیو، آر ڈی برمن، نورا آنور، کلنٹ واکر، جے نارتھ، باربرا اسٹین وِک، مرو گرفن، ڈونلڈ او کونر، اسٹو فلپس، ٹینا ریویلا، کرن کمار، یوگیتا بالی، نوتن، اسماعیل مرچنٹ اور جیمز آئیوری شامل ہیں۔