بالی ووڈ کے لیجنڈری سپر اسٹار راج کپور کے چاہنے والے آج ان کی 99 ویں سالگرہ منا رہے ہیں۔

کئی دہائیوں تک پردہ اسکرین پر راج کرنے والے سپر اسٹار کا انتقال 1988 میں ہوا تھا۔

راج کپور اداکار پرتھوی راج کپور کے فرزند تھے جنہوں نے بے شمار اور بے مثال فلموں میں اپنی اداکاری کے جوہر دکھائے اور آج تک اپنے چاہنے والوں کے دلوں میں زندہ ہیں۔

راج کپور نے24 سال کی عمر میں فلمی دنیا میں قدم رکھا، انہوں نے پروڈکشن، ڈائریکشن اور ایکٹنگ جیسے تینوں اہم شعبوں میں اپنا لوہا منوایا جسے بعد میں آر کے بینر کمپنی کے نام سے شروع کی جانی والی کمپنی سے منسلک کر دیا۔

راج کپور پہلی بار6 سال کی عمر میں اپنے والد کے تھیٹر میں اسٹیج پرآئے تھے۔

Remembering the Showman of Indian Cinema #RajKapoor on his birth anniversary️

Legendary Actor & Director known for his films that represent social consciousness. He was awarded #PadmaBhushan in 1971 and #DadaSahebPhalke award in 1987
️Watch his life journey@ianuragthakur pic.twitter.com/E0tb0woV7r

— Ministry of Information and Broadcasting (@MIB_India) December 14, 2023

انہوں نے1948ء میں بننے والی فلم آگ سے اداکاری کا آغاز کیا جس کے بعد برسات جیسی بلاک بسٹر فلم اور اس کے بعد ان گنت فلمیں جن میں آوارہ، شری 420، میرا نام جوکر قابل ذکر ہیں۔

ان کی فلم آوارہ کو اس وقت روس میں بھی بے پناہ پذیرائی ملی، ان کی فلم ’’آوارہ ‘‘اور ’’بوٹ پالش ‘‘کینز فلم فیسٹیول میں گولڈن پام ایوارڈ کے لئے بھی نامزد کی گئیں۔

لیجنڈ اداکار راج کپور کو2 نیشنل فلم ایوارڈ اور 9 فلم فیئر ایوارڈ ملے۔

1988 میں راج کپور کو فلم سازی سے متعلق ہندوستان کا اعلی ترین اعزاز دادا صاحب پھالکے ایوراڈ دیا گیا۔راج کپور2 جون1988 کو دہلی میں انتقال کر گئے تھے۔