بالی وڈ کے مسٹر پرفیکشنسٹ عامر خان اور انوشکا شرما کی کامیڈی ڈرامہ سپر ہٹ فلم ’ پی کے‘ کو ریلیز ہوئے آج نو سال مکمل ہوگئے ہیں۔
اگر یہ کہا جائے تو بالکل بھی غلط نہیں ہو گا کہ عامر خان اور انوشکا شرما کی فلم پی کے ان کے کیریئر کی سب سے کامیاب اور مشہور فلموں میں سے ایک ہے۔
راجکمار ہیرانی کی ہدایت کاری میں بننے والی اس فلم میں مختلف عقائد ، سیاست اور معاشرتی موضوعات پر کھل کر بات کی گئی۔
اس فلم میں عامر خان کا کردار ہر وقت پان کھاتے نظر آتا ہے، مسٹر پرفیکشنسٹ نے اسےحقیقت کا رنگ دینے کےلئے ہر سین میں اصلی پان کھایا۔
بھارتی سوشل میڈیا رپورٹس کے مطابق شوٹنگ کے کچھ دنوں میں، انہوں نے مبینہ طور پر اپنے ہونٹوں پر سرخ رنگ برقرار رکھنے کے لیے ہر روز تقریباً 100 پان کھائے۔
ذرائع کے مطابق فلم میں اس کردار کی مناسبت سے عامر خان کے لئے فلم کی شوٹنگ کے دوران سیٹ پر ایک پان بنانے والا ہر وقت موجود رہتا تھا۔
عامر خان نے ایک انٹرویو میں بتایاکہ حقیقی زندگی میں وہ پان کھانے کے عادی نہیں ، لیکن اس فلم کے لیے انہوں نے ہر سین کے لیے پان کھایا، ہونٹوں پر ایک خاص رنگ برقرار رکھنے کے لیے شوٹنگ سے پہلے بھی 10-15 پان کھائے جبکہ شوٹنگ کے دوران 100 تک پان کھائے۔
19دسمبر 2014 کو ریلیز ہونے والی اس کامیڈی ڈرامہ فلم کی کاسٹ میں عامر خان کے ساتھ اداکارہ انوشکا شرما، آنجہانی سشانت سنگھ راجپوت، سنجے دت، سوراب شکلا اور بومن ایرانی بھی شامل تھے۔
فلم میں عامر خان نے باکمال طریقے سے ایک ایلین (کسی اور سیارے کی مخلوق) کا کردار نبھایا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News