کینیڈا میں بھارتی فلمیں چلانے والے سینما گھروں پر حملہ کیا گیا۔

بھارتی میڈیا کے مطابق رواں ہفتے 5 دسمبر کو کینیڈا کے شہر ٹورنٹو میں اُن تین سینما گھروں پر حملہ کیا گیا جہاں بھارتی فلمیں چلائی جاتی ہیں۔

پہلا حملہ منگل کی شب 9 بجکر 20 منٹ پر کیا گیا، اس حملے میں نقاب پوش افراد سینما گھر کے اندر داخل ہوئے اور وہاں موجود سامعین پر اسپرے کردیا۔

Update: New suspect photos have been released after an unknown substance was sprayed in a Vaughan cinema on the evening of December 5th. Similar incidents occurred at other locations in Toronto and Brampton that same evening.

Advertisement

More details at this link:https://t.co/4KR4bxumFl pic.twitter.com/ERdtwdnc9l

— York Regional Police (@YRP) December 7, 2023

حملہ آور اسپرے کرنے کے بعد وہاں سے فرار ہونے میں کامیاب ہوگئے جبکہ حملے کے وقت سینما گھر کے اندر 200 لوگ بالی ووڈ فلم دیکھ رہے تھے۔

اسپرے کی وجہ سے سینما گھر میں موجود تمام سامعین نے کھانسی شروع کردی تھی جس کے بعد اُن تمام لوگوں کو بحفاظت باہر نکالا گیا۔

اس حوالے سے پولیس کا کہنا ہے کہ 5 دسمبر کی شب کچھ وقت کے وقفے سے تین سینما گھروں پر حملہ کیا گیا، دو سینما گھروں میں اسپرے چھڑکا گیا جبکہ ایک سینما گھر میں “بدبودار بم” رکھا گیا۔

پولیس نے کہا کہ ہم تحقیقات کرتے ہوئے یہ جاننے کی کوشش کررہے ہیں کہ کیا یہ تینوں واقعات آپس میں جڑے ہوئے ہیں۔