سینیئر پاکستانی اداکار شدید بیمار؛ مداحوں سے دعاؤں کی اپیل

ویب ڈیسک

19th Jan, 2024. 10:04 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سینیئر پاکستانی اداکار شدید بیمار؛ مداحوں سے دعاؤں کی اپیل

پاکستان کے معروف و سینیئر اداکار طلعت حسین شدید بیمار ہوگئے ہیں۔

ڈراموں، فلموں، ریڈیو اور تھیٹر کے معروف ایوارڈ یافتہ اداکار طلعت حسین کی عمر 80 سال سے زائد ہے جبکہ انہوں نے اپنی عمر کا بیشتر حصہ اداکاری، صداکاری، آرٹ اور فن کو دی۔

لندن سے تعلیم حاصل کرنے والے طلعت حسین نے پاکستان ٹیلی وژن (پی ٹی وی) سے اداکاری کا آغاز کیا اور انہوں نے برطانوی ٹی وی سمیت بالی ووڈ فلموں میں بھی کام کیا۔

طلعت حسین طویل العمری سمیت دیگر طبی پیچیدگیوں کے باعث کچھ سال سے اسکرین سے دور ہیں اور اب وہ انتہائی علیل ہوکر بستر اور ویل چیئر تک محدود ہوگئے۔

طلعت حسین کی اہلیہ رخشندہ طلعت نے بتایا کہ بہت زیادہ سگریٹ نوشی کرنے کی وجہ سے ان کے شوہر کے پھیپھڑے کمزور ہوچُکے ہیں، جن میں بار بار پانی بھر جاتا ہے۔

ان کا کہنا تھا کہ پھیپھڑوں سے پانی نکالنے کے لیے انہیں متعدد بار اسپتال منتقل کیا گیا اور کمزوری کی وجہ سے وہ گھر میں گر بھی پڑے تھے، جس وجہ سے اب وہ ویل چیئر اور بستر تک محدود ہوچُکے ہیں۔

اہلیہ کے مطابق ان کے شوہر نے فن کو پوری زندگی دی اور اب ان کے علاج پر اچھا خاصا خرچ ہو رہا ہے، اگر حکومت کا ثقافتی ادارہ مدد کرنا چاہے تو وہ انکار نہیں کریں گے۔