سدھو موسے والا کے قتل کا ماسٹر مائنڈ دہشت گرد قرار

ویب ڈیسک

03rd Jan, 2024. 10:21 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سدھو موسے والا کے قتل کا ماسٹر مائنڈ دہشت گرد قرار

پنجابی گلوکار سدھو موسے والا کے قتل کا مبینہ ماسٹر مائنڈ گینگسٹر ستیندرجیت سنگھ عرف گولڈی برار کو انسداد دہشت گردی قانون UAPA کے تحت دہشت گرد قرار دے دیا گیا ہے۔

غیر ملکی خبر رساں ادارے کے مطابق بھارت کی وزارت داخلہ نے پیر کو کینیڈا میں مقیم گینگسٹر ستیندرجیت سنگھ عرف گولڈی برار کو انسداد دہشت گردی قانون غیر قانونی سرگرمیاں (روک تھام) ایکٹ (یو اے پی اے) کے تحت دہشت گرد قرار دیا۔

حکومت کی طرف سے جاری کردہ نوٹیفکیشن میں کہا گیا ہے کہ گولڈی برار کا تعلق کالعدم خالصتانی تنظیم ببر خالصہ انٹرنیشنل سے ہے۔

گولڈی برار، جن کا تعلق پنجاب کے سری مکتسر صاحب سے ہے اور وہ اس وقت کینیڈا کے شہر برامپٹن میں مقیم ہیں، نے 2022 میں پنجابی گلوکار سدھو موس والا کے قتل کی ذمہ داری قبول کی تھی۔

یاد رہے کہ پنجابی گلوکار موسے والا کو مئی 2022 میں ضلع مانسا میں گولی مار کر ہلاک کر دیا گیا تھا۔