گلوکار علی ظفر کے مداحوں کے لئے بُری خبر

ویب ڈیسک

23rd Jan, 2024. 09:25 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلوکار علی ظفر کے مداحوں کے لئے بُری خبر

عالمی شہرت یافتہ معروف پاکستانی گلوکار علی ظفر کے مداحوں کے لئے بُری خبر آ گئی ہے۔

حال ہی میں گلوکار علی ظفر کے منیجر نے اپنے جاری کردہ ایک بیان میں بتایا کہ پاکستان کرکٹ بورڈ (پی سی بی) نے پہلے خود گلوکار سے پی ایس ایل کے سیزن 9 کے ترانے کیلئے رابطہ کیا اور پھر بعد میں معذرت کرلی۔

علی ظفر کے منیجر نے بتایا کہ گلوکار 2 ماہ سے ترانے کی تیاری کر رہے تھے، اُنہوں نے اپنے ذاتی اخراجات پر میوزک پروڈیوسرز اور موسیقاروں کی خدمات حاصل کرنے کے بعد پی سی بی کے سامنے پی ایس ایل 9 کے ترانے کیلئے تین مختلف ورژن پیش رکھے۔

ان کا کہنا تھا کہ علی ظفر ان تینوں ورژنز کو حتمی شکل دینے کیلئے کام کررہے تھے کہ پی سی بی نے گلوکار سے کہا کہ وہ پی ایس ایل 9 کے ترانے کیلئے اُن کے ساتھ مزید کام نہیں کرسکتے۔

منیجر نے بتایا کہ بورڈ کو پی ایس ایل کی کسی ایک فرنچائز کی جانب سے تحفظات کا سامنا تھا، جس کے باعث اُنہوں نے علی ظفر کو ترانے کے پراجیکٹ سے باہر کردیا۔

واضح رہے کہ پی ایس ایل 9 کا آغاز 17 فروری سے ہوگا، پہلا میچ لاہور کے قذافی اسٹیڈیم میں کھیلا جائے گا جبکہ ٹی 20 ٹورنامنٹ میں مجموعی طور پر 34 میچ کھیلے جائیں گے اور ایونٹ کا فائنل 18 مارچ کو کراچی میں ہوگا۔