آنجہانی بالی وڈ اداکار سوشانت سنگھ راجپوت موت سے قبل کون سا نشہ کرتے تھے ، اس حوالے سے ریا چکروتی نے حیرت انگیز انکشاف کیا ہے۔

سوشل میڈیا رپورٹس کے مطابق آنجہانی اداکار سوشانت سنگھ راجپوت کی گرل فرینڈ اور اداکارہ ریا چکرورتی نے اعتراف کیا ہے کہ وہ دونوں منشیات استعمال کرتے تھے ۔

بھارتی میڈیا کو دیئے گئے اپنے ایک حالیہ انٹرویو میں ریا چکرورتی نے بتایا کہ وہ اور سوشانت سنگھ کبھی کبھی بھنگ پیتے تھے،سوشانت سنگھ کو منشیات کی لت فلم ’کیدار ناتھ‘ کی شوٹنگ کے بعد لگی تھی۔

آنجہانی اداکارسوشانت سنگھ نے 14 جون 2020 کو اپنے فلیٹ میں خود کشی کی تھی ، جس کے بعد پولیس نے اداکار کے اہل خانہ کی درخواست پر ریا چکروتی کو بھی شامل تفتیش کیا ، جوکہ اس وقت ان کی گرل فرینڈ تھیں، تاہم کئی ماہ جیل میں قید رہنے کے بعد ان پر قتل کا الزام ثابت نہیں ہو سکا۔

اپنے حالیہ انٹرویو میں اداکارہ ریا چکروتی نے بتایاکہ انہوں نے اپنی جیل کی دوستوں سے وعدہ کیا تھا کہ ضمانت ملنے کے بعد وہ ان کے لیے ناگن ڈانس کریں گی، وہاں موجود خواتین حیرانی سے پوچھتی تھیں کہ ’آپ ہیروئن ہو؟ آپ ڈانس کرکے دکھاؤ‘۔

انہوں نے بتایاکہ وہ غمزدہ تھی کیونکہ ان کی ضمانت ہوگئی تھی لیکن ان کے بھائی کی ضمانت نہیں ہوئی تھی۔

جیلر میرے پاس آیا اور کہا کہ میں انہیں (جیل میں موجود خواتین کو) کہہ چکا ہوں کہ آپ ڈانس نہیں کرسکتیں پر میں نے جیلر سے کہا کہ میں ان کے لیے ڈانس کرنا چاہتی ہوں کیونکہ دوبارہ کب میں انہیں دیکھوں گی؟

اداکارہ نے بتایا کہ میں نے سوچا کہ ان کے اتنے مشکل وقت میں شاید کچھ خوشیاں انہیں دے سکوں لہٰذا میں نے ان کے لیے ڈانس کیا، وہ ناگن ڈانس تھا اور وہاں موجود تمام قیدیوں نے بھی میرے ساتھ ڈانس کیا اور وہ تمام بہت خوش ہوئیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Rhea Chakraborty (@rhea_chakraborty)

Advertisement

واضح رہےکہ آنجہانی اداکارسوشانت سنگھ کی موت کے کیس میں بھارتی پولیس طویل عرصہ شواہد اکٹھے کرتی رہی مگر حتمی نتیجہ نہ نکلا۔

ناقص تفتیش پر کیس بھارتی تحقیقاتی ادارے، سی بی آئی کے حوالے کیا گیا تھا جس کی معاونت کرتے ہوئے آل انڈیاانسٹی ٹیوٹ آف میڈیکل سائنسز کی فرانزک ٹیم نے بتایا کہ سوشانت کے جسم پر کسی زخم کا نشان نہیں تھا نہ ہی ان کے جسم میں شراب کی موجودگی کے شواہد ملے۔

پولیس کو ان کی رہائش گاہ سے ان کے علاج و معالجے کے دستاویزات ملے تھے جس سے اندازہ لگایا گیا کہ وہ ڈپریشن کا علاج کروا رہے تھے۔

اداکار کے قریبی دوستوں کے ذرائع کا کہنا تھا کہ وہ گزشتہ چند ماہ سے ڈپریشن اور ذہنی دباؤ کا شکار تھے، تاہم ان کی پریشانی میں کورونا کے باعث لاک ڈاؤن ہونے کے باعث اضافہ ہوا۔