ثنا جاوید سے شادی کے بعد شعیب ملک کا پہلا بیان سامنے آگیا

ویب ڈیسک

30th Jan, 2024. 01:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ثنا جاوید سے شادی کے بعد شعیب ملک کا پہلا بیان سامنے آگیا

پاکستان کی معروف اداکارہ ثنا جاوید سے شادی کے بعد پاکستان ٹیم کے سابق کپتان شعیب ملک کا پہلا بیان سامنے آگیا ہے۔

حال ہی میں پاکستان ٹیم کے سابق کپتان شعیب ملک نے نجی ٹی وی چینل کےشو میں شرکت کی جہاں انہوں نے اپنے مختلف ملکوں کے دوروں کے دوران پیش آنے والے دلچسپ واقعات سنائے۔

انٹرویو کے دوران ایک سوال کے جواب میں شعیب ملک نے نوجوانوں کو زندگی گزارنے کے حوالے سے مشورہ دیتے ہوئے کہا کہ ’ دوسرے کیا کہہ رہے ہیں، اس کی فکر نہیں کرنی چاہیے کیونکہ وہ کچھ نہ کچھ تو کہیں گے ہی ‘۔

شعیب ملک نے کہا کہ ’ ہمیں اپنی زندگی اسی طرح گزارنی چاہیے جس طرح ہم چاہتے ہیں، اگر آپ کو یہ سمجھنے میں 20 سال لگتے ہیں کہ آپ کیا چاہتے ہیں تو کوئی بات نہیں، آپ 20 سال بعد ہی سہی آپ وہ ہی کریں جو آپ چاہتے ہیں ‘۔

واضح رہے کہ گزشتہ دنوں سے شعیب ملک اداکارہ ثنا جاوید سے اپنی شادی اور بھارتی سابق ٹینس اسٹار ثانیہ مرزا سے طلاق کے باعث سوشل میڈیا صارفین کی جانب سے تنقید کی زد میں آگئے ہیں۔