پاکستان شوبزانڈسٹری کے نامور گلوکار اور اداکار علی ظفر سوشل میڈیا پر لاہور ایئر پورٹ کی ناقص صفائی پر حکام پر برس پڑے۔

 علی ظفر اپنی گلوکاری، آرٹ ورک، اداکاری، سونگ رائیٹنگ اور با شعور سوشل میڈیا  پوسٹس سے مداحوں کو خوش کرنے کا فن جانتے ہیں۔

گزشتہ روز علی ظفر نے سوشل میڈیا کی سائٹ ایکس پر ایک پیغام جاری کیا، جس میں  انہوں نے ایک اہم ایشو پر توجہ دلاتے ہوئے لکھا کہ ’لاہور ایئرپورٹ مکمل طور پر گندگی کا شکار ہے، میری حکام سے گزارش ہے کہ خدمات کو بہتر کریں اور اسے ہر ایک کے لیے آسان بنائیں‘۔

Lahore airport is an absolute mess. Request the authorities to streamline services and make it convenient for everyone.

Advertisement

— Ali Zafar (@AliZafarsays) January 2, 2024

گلوکار کی اس پوسٹ پر سوشل میڈیا صارفین کی جانب سے ملے جلے تبصروں اور ردعمل کا اظہار کیا جا رہا ہے۔

اس سے قبل اپنی ایک پوسٹ میں علی ظفر نے کہا تھا کہ ایک مرد اپنی اہلیہ کے بغیر کچھ نہیں ہے۔

علی ظفر نے ڈیفا ایوارڈ حاصل کرنے کے بعد اپنے مداحوں اور اہلیہ عائشہ فضلی کا شکریہ ادا کرنے کے لئے انسٹاگرام پر ایک پوسٹ بھی کی۔

اس پوسٹ میں گلوکار نے لکھا کہ ایک مرد اپنی اہلیہ کے بغیر کچھ نہیں ہے، عائشہ فاضلی ہر اچھے بُرے وقت میں میرے لیے اور میرے ساتھ ہونے پر آپ کا شکریہ۔

View this post on Instagram

A post shared by Galaxy Lollywood (@galaxylollywood)

یہ بھی پڑھیں: علی ظفر پاکستان کے بہترین گلوکار کا بین لاقوامی ایوارڈ اپنے نام کرنے میں کامیاب

دبئی میں منعقدہ ڈسٹنکٹیو انٹرنیشنل عرب فیسٹیول ایوارڈ (ڈیفا) میں رواں سال کے ’پاکستان میں بہترین گلوکار‘ کا اعزاز اپنے نام کرنے والے علی ظفر نے اپنی پوسٹ کے اختتام پر لکھا ’اگلا اسٹاپ آسکرز‘۔

واضح رہےکہ علی ظفر نے اس ایوارڈ کی تقریب میں اپنی اہلیہ عائشہ فضلی کے ساتھ شرکت کی تھی، جب انہیں ایوارڈ کے لیے اسٹیج پر بلایا گیا تو انہوں نے ایوارڈ لینے کے بعد اپنی مختصر سی تقریر میں غزہ اور فلسطین کے حوالے سے بھی بات کی۔