بالی ووڈ کی میگا ایکشن فلم ’فائٹر‘ کے لئے ہریتک روشن سمیت دیگر کاسٹ نے کتنا معاوضہ وصول کیا ہے، یہ جان کر آپ حیران رہ جائیں گے۔

سدھارتھ آنند کی ہدایت کاری میں بننے والی فلم فائٹر دنیا بھر کے تھیٹرز میں نمائش کے لئے پیش کردی گئی ہے جوکہ نا صرف شائقین کو پسند آرہی ہے بلکہ بزنس بھی اچھا کر رہی ہے۔

ہریتک روشن

ہریتک روشن نے فلم فائٹر میں ‘شمشیر پٹھانیا’ عرف ‘پیٹی’ کا مرکزی کردار ادا کیا ہے، جو کہ ایک باصلاحیت ایئر فورس آفیسر ہیں۔

بھارتی میڈیا رپورٹس کے مطابق ہریتک روشن  نے اس فلم کا 50  کروڑ روپے معاوضہ وصول کیا ہے۔

دیپیکا پڈوکون

دیپیکا پڈوکون بالی ووڈ کی سب سے زیادہ معاوضہ لینے والی اداکاراؤں میں سے ایک ہیں، انہوں نے فلم میں ‘سکواڈرن لیڈر منل راٹھور’ کا کردار ادا کیا ہے۔

فلم میں ہریتک روشن کے ساتھ دیپیکا پڈوکون کی کیمسٹری کو بہت سراہا جارہا ہے، بھارتی میڈیا رپورٹس کے مطابق انہوں نے فلم کا معاوضہ  15 کروڑ روپے لیا ہے۔

انیل کپور

تجربہ کار بالی وڈ اداکار، انیل کپور فلم میں ‘گروپ کیپٹن راکیش جئے سنگھ’ کا کردار ادا کررہے ہیں جوکہ ناقدین کے مطابق ایک  بہترین انتخاب ہیں۔

چار دہائیوں پر محیط کیریئر کے ساتھ، انیل کپور انڈسٹری کے سب سے زیادہ تجربہ کار  اداکاروں میں سے ایک ہیں۔

ذرائع کے مطابق فلم میں اس کردار کےلئے اداکار نے مبینہ طور پر 7 کروڑ روپے کی رقم وصول کی ہے۔

واضح رہےکہ ہریتک روشن اور دیپیکا پڈوکون کی پاکستان مخالف فلم ‘فائٹر’ 25 جنوری کو سینما گھروں میں ریلیز ہوئی لیکن اس فلم کو متحدہ عرب امارات میں ریلیز نہیں کیا گیا۔

اس فلم میں حقائق کو توڑ موڑ کر پیش کیا گیا ہے، فلم میں دکھایا گیا ہے کہ پلوامہ حملے کے بعد بھارتی فضائیہ پاکستان کے خلاف ایک آپریشن کا منصوبہ بناتی ہے۔

پاکستان کے خلاف بنائی گئی اس فلم کا ٹریلر ریلیز ہونے کے بعد پاکستانی عوام اور شوبز شخصیات نے شدید غم وغصے کا اظہار کیا تھا۔

صرف یہی نہیں بلکہ سوشل میڈیا کے مختلف پلیٹ فارمز پر بھارتی فلم انڈسٹری، ہریتک روشن اور دیپیکا پڈوکون پر بھی تنقید کی گئی، جو اب تک جاری ہے۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by दीपिका पादुकोण (@deepikapadukone)