راکھی ساونت بڑی مشکل میں پھنس گئیں

ویب ڈیسک

13th Jan, 2024. 12:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

راکھی ساونت بڑی مشکل میں پھنس گئیں

ممبئی کی عدالت کی جانب سے ڈرامہ کوئین راکھی ساونت کی پیشگی ضمانت کی درخواست مسترد کر دی گئی ہے۔

اس حوالے سے جاری رپورٹ کے مطابق دندوشی سیشن کورٹ نے پرائیویٹ ویڈیوز لیک کرنے کے الزام میں سابقہ شوہر عادل خان درانی کی طرف سے راکھی ساونت کے خلاف دائر کیے گئے مقدمے میں ان کی پیشگی ضمانت مسترد کر دی ہے۔

اس معاملے پر ریمارکس جاری کرتے ہوئے عدالت کا کہنا تھا کہ راکھی کی جانب سے جاری کی جانے والی ویڈیوز نا صرف فحش بلکہ ایک مجرمانہ عمل بھی ہے۔

ایڈیشنل سیشن جج شری کانت وائی بھوسلے نے 8 جنوری کو اداکارہ کی ضمانت کی درخواست مسترد کرنے کا فیصلہ سنایا تھا جبکہ اس کا تفصیلی حکم جمعہ کو جاری کیا گیا۔

قبل ازیں عدالت نے راکھی ساونت کو گرفتاری سے عبوری تحفظ کی اجازت دی تھی جس کا دورانیہ بڑھا دیا گیا تھا۔ راکھی ساونت کو گرفتاری سے عبوری تحفظ گزشتہ سال 29 نومبر کو ان کی پیشگی ضمانت کی درخواست کی پہلی چند سماعتوں کے دوران دیا گیا تھا۔

خیال رہے کہ اداکارہ نے ایک ٹیلی ویژن شو میں اپنا موبائل فون دکھایا تھا جس میں عادل خان درانی سے متعلق جنسی طور پر واضح مواد موجود تھا۔