بالی ووڈ کے معروف اور مقبول ترین ہدایتکار روہت شیٹی نے اپنی فلم میں انڈسٹری کے تینوں ’خانز‘ کو ایک ساتھ کاسٹ کرنے کا اشارہ دے دیا ہے۔

حال ہی میں ایک انٹرویو کے دوران ہدایتکار نے اپنی ویب سیریز کے متعلق بات چیت کرتے ہوئے اپنے مستقبل کے منصوبوں کا اشتراک کیا جس میں ایک منفرد فلمی تصور اور بالی ووڈ کے 3 خانز کو اکٹھا کرنے کا امکان شامل تھا۔

انٹرویو کے دوران جب روہت شیٹی سے پوچھا گیا تھا کہ شاہ رخ خان، عامر خان اور سلمان خان میں سے کس کے ساتھ کام کرنا چاہیں گے جس کا جواب بہت دلچسپ تھا۔

اس سوال کے جواب میں ہدایتکار کا کہنا تھا کہ کہ کسی ایک ساتھ کیوں، تینوں کے ساتھ کام کریں گے لیکن آرام آرام سے، ابھی بہت وقت ہے اور پوری انڈسٹری کو پولیس بنا دیں گے۔

خیال رہے کہ روہت شیٹی، چنئی ایکپریس میں شاہ رک خان کے ساتھ کام کرچکے ہیں جو کہ بہت کامیاب رہی تھی اور اب وہ اس قسم کی فلم دوبارہ بنانے کے خواہشمند ہیں۔

خیال رہے کہ روہت شیٹی نے ’انڈین پولیس فورس‘ کے ساتھ اپنا او ٹی ٹی ڈیبیو کیا ہے جو کہ ایمیزون پرائم پر ریلیز ہوئی ہے۔

اس ویب سیریز میں سدھارتھ ملہوترا، شلپا شیٹی اور وویک اوبرائے اہم کردار ادا کریں گے۔ انڈین پولیس فورس میں شویتا تیواری، نکیتن دھیر، رتوراج سنگھ، مکیش رشی اور للت پریمو بھی اہم کرداروں میں ہیں۔