عالمی شہرت کے حامل گلوکار اور میوزیشن زین ملک کا تعلق پاکستان سے ہے جنہوں نے  امریکہ کے ایک رئیلٹی شو میں جلوہ گر ہوکر نا صرف نام و شہرت حاصل کی بلکہ ’ون ڈائریکشن‘ نامی میوزک بینڈ سے اپنی آواز کا جادو بھی جگایا۔

پاکستانی نژاد برطانوی گلوکار زین ملک نے حال ہی میں اردو زبان میں ’ تو ہے کہاں‘ گانا گایا ہے،جوکہ کافی پسند کیا جا رہا ہے۔

برطانوی گلوکار زین ملک نے پاکستان کے شہر کراچی سے تعلق رکھنے والے تین نوجوان کے میوزیکل بینڈ ’اور‘ کے ساتھ مل کر انگریزی کے بجائے اردو زبان میں یہ گانا گایا ، جسے سن کر ان کے مداح نا صرف خوشی سے جھوم اٹھے بلکہ سوشل میڈیا پر یہ گانا خوب وائرل بھی ہوا۔

تازہ ترین خبر یہ ہے کہ پاکستان میں برطانوی ہائی کمشنر جین میریٹ نے برطانوی گلوکار زین ملک کو پاکستان آنے کی سوشل میڈیا پر باقاعدہ دعوت دے دی ہے۔

جین میریٹ نے سماجی رابطے کی ویب سائٹ ’ایکس‘ پر پاکستانی میوزک بینڈ ’اور‘ کے تینوں ممبرز کی تصویر بھی پوسٹ کی۔

Time to plan your Pakistan tour, @zaynmalik! Loving this UK-Pakistan Urdu collaboration with Aur. https://t.co/HGMb80PCN2

— Jane Marriott (@JaneMarriottUK) January 29, 2024

صرف یہی نہیں بلکہ انہوں نے برطانوی گلوکار کو پاکستان آنے کا مشورہ دیتے ہوئے لکھا کہ زین ملک کے پاکستان آنے کا ٹھیک وقت آچکا ہے۔

اس سے قبل امریکی میوزک اور انٹرٹینمنٹ ویب سائٹ بل بورڈ کو خصوصی انٹرویو دیتے ہوئے زین ملک نے پاکستانی گلوکاروں کے ساتھ کام کرنے کے تجربے پر بات کرتے ہوئے اسے خوشگوار تجربہ قرار دیا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by FHM PAKISTAN (@fhmpakistan)

زین ملک نے کہا کہ جب پاکستانی میوزک بینڈ ’اور‘ نے مجھ سے رابطہ کیا اور اپنے گانے ’تو ہےکہاں‘ میں کام کرنے کیلئے کہا تو میں بہت خوش ہوا کیونکہ یہ گانا مجھے خود بہت پسند ہے۔

زین ملک نے اپنے مداحوں سے مخاطب ہوتے ہوئے مزیدکہا کہ مجھے یہ امید ہے کہ میرا اردو زبان میں گایا گیا یہ گانا میرے تمام مداحوں کو بے حد پسند آئے گا۔

زین ملک نے اس گانے کا کچھ حصہ اپنی آواز میں اپنے ریکارڈنگ روم میں ریکارڈ کیا ہے، جسے بعد ازاں ’اور‘ بینڈ کے گلوکار رافع، اسامہ اور احد کے گائے ہوئے گانے کے ساتھ ایڈیٹ کردیا گیا ہے۔

خیال رہے کہ پاکستانی بینڈ ’اور‘ نے کچھ ماہ قبل اپنے گانے ’تو ہے کہاں‘ سے شہرت کی بلندیوں کو چھولیا تھا۔ ان کی اس میوزک ویڈیو کو اب تک 92 ملین ست زائد ویوز مل چُکے ہیں۔