بھارت کے معروف اداکار تھلاپتی وجے نے سیاست میں قدم رکھتے ہوئے اپنی سیاسی پارٹی کا اعلان کردیا ہے۔

 غیر ملکی خبر رساں ادارے کی رپورٹ کے مطابق تامل اداکار تھلاپاتھی وجے، جو کہ جنوبی کے مشہور اداکاروں میں سے ایک ہیں، نے 2 فروری کو اپنی سیاسی پارٹی، تاملگا ویٹری کزگم کا اعلان کردیا ہے۔

#தமிழகவெற்றிகழகம் #TVKVijay pic.twitter.com/ShwpbxNvuM

Advertisement

— TVK Vijay (@tvkvijayoffl) February 2, 2024

اس کے علاوہ حیران کن طور پر انہوں نے  سنیما کی دنیا سے بھی جلد علیحدگی کا اعلان بھی کردیا ہے۔

اپنے ایک بیان میں، وجے نے ذکر کیا کہ وہ تمل ناڈو میں ایک مکمل سیاست دان بننے کے لیے دو فلمیں مکمل کرنے کے بعد سنیما چھوڑ دیں گے۔

خیال رہے کہ سوشل میڈیا پر یہ افواہیں گردش کر رہی تھیں کہ اداکار کا اپنی پارٹی کے ساتھ سیاست میں آنے کا ارادہ ہے۔ یہ بھی قیاس کیا گیا کہ پارٹی کے صدر اور سیکرٹری کا فیصلہ کرنے کے لیے ملاقاتیں ہوئی ہیں۔

اداکار نے جنرل باڈی میٹنگ کے چند دن بعد 2 فروری کو اپنی سیاسی پارٹی کے نام کا اعلان کیا۔ ان کی پارٹی کے ارکان 2026 کے انتخابات میں حصہ لیں گے۔

واضح رہے کہ تھلاپتی وجے بلاشبہ تامل فلم انڈسٹری کے سب سے نمایاں اداکاروں میں سے ایک ہیں اور تقریباً تین دہائیوں سے انڈسٹری کا ایک فعال حصہ ہیں۔