بالی ووڈ اداکار انیل کپور، انڈسٹری میں اپنی بہترین اداکاری کے ساتھ ساتھ فٹنس اور ہمیشہ جوان نظر آنے کے لئے کافی مشہور ہیں ۔

حال ہی میں نئی دہلی میں ڈاکٹر شیو کے سرین کی کتاب اون یور باڈی: اے ڈاکٹرز لائف سیونگ ٹپس کے اجراء کے موقع پر گفتگو کرتے ہوئے، اداکارہ سونم کپور نے اپنے والد انیل کپور، بونی کپور اور سنجے کپور کے طرز زندگی کی وضاحت کی ہے۔

اپنے والد کے طرز زندگی اور فٹنس کے متعلق بات کرتے ہوئے اداکارہ کا کہنا تھا کہ ، وہ شراب نہیں پیتے، سگریٹ نوشی نہیں کرتے۔

انہوں نے مزید بتایا کہ ان کی والدہ بھی انیل کپور کی صحت کے متعلق کافی حساس ہیں وہ ان کا ہر طرح سے بہت خیال رکھتی ہیں۔

خیال رہے کہ خیال رہے کہ انیل کپور کو ہندی فلم انڈسٹری کا حصہ بنے ہوئے 44 سال سے زیادہ ہو چکے ہیں اور 23 سال کی عمر سے اداکار نے بالی ووڈ میں اُمیش مہرا کی فلم ’ہمارے تمہارے‘ (1979) سے ڈیبیو کیا تھا۔

انہوں نے اپنی پہلی بار ہندی فلم میں مرکزی کردار 1983 میں وہ سات دن میں کیا تھا اس کے بعد انہوں نے یش چوپڑا کے ایکشن فلم مشال (1984) میں کام کیا، جس سے انہیں آخرکار پہچان ملی۔

چار دہائیوں تک انیل کپور ان فلموں کا حصہ بنے رہے جنہوں نے شائقین کو ہنسایا، رولایا لیکن ان کی اداکاری ہی واحد چیز نہیں ہے جس نے اب تک ان کے مداحوں کو متاثر کیا ہوا ہے بلکہ وہ ایک مصدقہ فٹنس فریک ہیں۔