مشہور شخصیات اکثر سوشل میڈیا پر نقالی کا شکار ہوتی ہیں اور ایسی مثالیں بھی موجود ہیں کہ جب صورتحال بڑھ جاتی ہے، اس مسئلے کو حل کرنے کے لیے قانون نافذ کرنے والے اداروں اور قانونی حکام سے مدد لینے کے لیے مشہور شخصیات کی ضرورت ہوتی ہے۔

حال ہی میں اس صورتحال کا شکار ہونے والی اداکارہ ودیا بالن نے ایک نامعلوم شخص کے خلاف قانونی کارروائی کرتے ہوئے شکایت درج کروائی ہے۔

اس شخص نے اداکارہ کے نام سے جعلی ای میل، انسٹاگرام اور واٹس ایپ اکاؤنٹس بنائے تھے اور ساتھ ہی کام کے مواقع کا جھوٹا وعدہ کرکے بالی ووڈ میں لوگوں سے مبینہ طور پر پیسے مانگنے کے لیے ان اکاؤنٹس کا استعمال کیا۔

پولیس نے شکایت کی بنیاد پر انفارمیشن ٹیکنالوجی ایکٹ کی متعلقہ دفعات کا حوالہ دیتے ہوئے نامعلوم جعل ساز کے خلاف کارروائی کا آغاز کردیا ہے اور تفتیش کا سلسلہ ابھی جاری ہے۔

اداکارہ کو اس کے متعلق اس وقت معلوم ہوا کہ جب ایک ڈیزائنر کو ایک نامعلوم نمبر سے واٹس ایپ پیغام موصول ہوا جس میں مبینہ شخص نے ودیا بالن ہونے کا بہانہ کرتے ہوئے، ایک ساتھ کام کرنے میں دلچسپی ظاہر کی اور تجویز پیش کی کہ اگر ڈیزائنر دلچسپی رکھتے ہیں تو اس پر مزید بات کریں۔

ڈیزائنر نے فوری طور پر اداکارہ سے رابطہ کیا تاکہ تمام صورتحال اسے آگاہ کیا جا سکے۔

اس سے قبل ودیا بالن کو اسی طرح کی سرگرمیوں کے بارے میں مطلع کیا گیا تھا جو ای میل کے ساتھ ساتھ انسٹاگرام پر کی جا رہی تھیں۔