دیپیکا نے ہمیش ریشمیاکیساتھ فلم کرنے کیلئے ہاں کر دی

ویب ڈیسک

02nd Feb, 2024. 02:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دیپیکا نے ہمیش ریشمیاکیساتھ فلم کرنے کیلئے ہاں کر دی

بالی وڈ کی صف اول کی اداکارہ دیپیکا پڈوکون نے نامور گلوکار، اداکار اور میوزک کمپوزر ہمیش ریشمیا کیساتھ فلم کرنے کیلئے ہاں کر دی ہے۔

حال ہی میں اپنی فلم فائٹر کی تشہیر کیلئے دیپیکا پڈوکون ایک پروگرام میں شریک ہوئیں ، جہاں موجود ہمیش ریشمیا سے ملتے ہی اداکارہ نے کہاکہ انہیں شوٹنگ، میوزک ویڈیو اور فلم کے بارے میں کچھ بھی معلوم نہیں تھا ،وہ آج جو کچھ بھی کر رہی ہیں ،اسی میوزک ویڈیو کی وجہ سے ہے کیونکہ اس سے انہوں نے بہت کچھ سیکھا ہے، سر(ہمیش ریشمیا) کا مجھ پر یقین اور اعتماد کرنے کا بہت بہت شکریہ ۔

دیپیکا پڈوکون نے اس موقع پر یہ بھی کہاکہ ہمیش ریشمیا ان کے محسن ہیں اور اگر مستقبل میں انہیں ان کے ساتھ فلم کرنے کی آفر ہو تو وہ انکار نہیں کریں گی اور خوشی خوشی فلم میں ان کی ہیروئن بنیں گی۔

دیپیکا پڈوکون اور ہمیش ریشمیا

واضح رہے کہ دیپیکا پڈوکون نے شاہ رخ خان کے مدمقابل فلم ’اوم شانتی اوم‘ سے اپنے فلمی سفر کا آغاز کیا تھا لیکن یہ بات بہت کم لوگ جانتے ہیں کہ اس سے قبل وہ ماڈلنگ کر تی تھی اور گلوکار ہمیش ریشمیا کے گانے ’ نام ہے تیرا‘ میں انہوں نے جلوہ گر ہو کر بطور اداکارہ اپنی شناخت بنائی تھی۔