جس نے بھی میرے ساتھ غلط کیا، ان سب کیلئے اللہ سے رحم مانگتا ہوں، علی ظفر

ویب ڈیسک

14th Feb, 2024. 09:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جس نے بھی میرے ساتھ غلط کیا، ان سب کیلئے اللہ سے رحم مانگتا ہوں، علی ظفر

عالمی شہرت یافتہ معروف پاکستانی گلوکار اور اداکار علی ظفر نے کہا ہے کہ جس نے بھی میرے ساتھ غلط کیا اور ناجائز کیا میں ان سب کیلئے اللہ سے رحم مانگتا ہوں۔

حال ہی میں اپنے دیے گئے ایک انٹرویو میں گلوکار اور اداکار علی ظفر نے ان پر جنسی ہراسانی کے جھوٹے الزامات لگانے والی ساتھی گلوکارہ میشا شفیع کو معاف کرنے کا اعلان کیا ہے۔

انہوں نے بتایا کہ جھوٹے الزامات سے ان پر اور ان کی فیملی پر بہت مشکل وقت آیا تھا اور وہ راتوں رات ایک ولن بن گئے تھے۔

ان کا کہنا تھا کہ تمام میڈیا چینل ان کے خلاف تھے اور کوئی ان کی بات سننے کو تیار نہیں تھا جس سے انہیں بہت دکھ ہوا۔

علی ظفر نے کہا کہ اس کڑے وقت میں ان کی اہلیہ اور فیملی نے بہت ساتھ دیا جس کی وجہ سے انہیں مقدمہ لڑنے کی ہمت ہوئی تھی۔

انہوں نے کہا کہ جس نے ان کے ساتھ غلط کیا اور ناجائز کیا وہ ان سب کیلئے اللہ سے رحم مانگتے ہیں۔

خیال رہے کہ اپریل 2018 میں میشا شفیع نے علی ظفر پر ہراسانی کے الزامات لگائے اور ایک قانونی جنگ کے بعد وہ تمام الزامات جھوٹے ثابت ہوئے۔