بالی ووڈ کی معروف اداکارہ پریانکا چوپڑا اور معروف ہدایتکار سنجے لیلا بھنسالی کے درمیان مبینہ طور پر ایک ایکشن فلم کے لیے بات چیت کی جارہی ہیں۔

میڈیا رپورٹس کے مطابق پریانکا چوپڑا نے 2019 کے دی اسکائی از پنک کے بعد سے کسی بالی ووڈ فلم میں کام نہیں کیا۔ اداکارہ فرحان اختر کی ہدایت کاری میں بننے والی فلم جی لے ذرا کے ساتھ بڑے پردے پر واپسی کرنے والی تھیں لیکن یہ منصوبہ فی
الحال تاخیر کا شکار ہے۔

پریانکا کی بالی ووڈ میں واپسی کے حوالے سے جاری ایک نئی رپورٹ میں دعویٰ کیا گیا ہے کہ اداکارہ سنجے لیلا بھنسالی کے ساتھ ایک نئے پروجیکٹ پر کام کر رہی ہیں۔

ایک ذرائع نے حال ہی میں بتایا کہ پریانکا اور سنجے لیلا بھنسالی کے درمیان ایک ایکشن فلم کے لیے بات چیت کی جارہی ہے تاہم دونوں کی جانب سے ابھی تک اس رپورٹ پر کوئی ردعمل ظاہر نہیں کیا گیا ہے۔

ذرائع نے بتایا کہ پریانکا کے لیے، بھارت کا دورہ خالصتاً کام کے لیے ہے۔ ممبئی میں ہونے والی تقریب میں شرکت کے ساتھ ساتھ، وہ کئی چیزوں کے لیے تیار ہیں جس کے لئے انہوں نے مختلف بیک ٹو بیک میٹنگز بھی کی ہیں۔

داکارہ کا اپنا ایک پروڈکشن ہاؤس بھی ہے، اور انہوں نے اس پر کچھ توجہ مرکوز کرنے کا فیصلہ کیا ہے۔ وہ اپنے بینر تلے اگلے تین یا چار پراجیکٹس کو حتمی شکل دینے کے لیے لوگوں سے مل رہی ہیں۔