لوک سبھا انتخابات 2024: بالی ووڈ اداکار الیکشن لڑنے کیلئے سرگرم
بھارت میں لوک سبھا الیکشن ہونے والے ہیں اور ہر بار کی طرح اس بار بھی سیاسی جماعتیں کوشش کر رہی ہیں کہ فلمی ستاروں کو الیکشن میں کھڑا کیا جائے تاکہ ان کی جیت کے امکانات بڑھ جائیں۔
اس حوالے سے یہ بات سامنے آئی ہے کہ مہاراشٹر کے وزیر اعلیٰ ایکناتھ شندے ممبئی نارتھ ویسٹ سیٹ سے شیوسینا کا امیدوار بننے کے لیے اداکار گووندا سے بات کر رہے ہیں جبکہ اطلاعات ہیں کہ کانگریس اداکارہ سوارا بھاسکر کو الیکشن لڑنے کے لیے آمادہ کر رہی ہے۔
دوسری جانب گووندا کے دوبارہ سیاست میں آنے کے فیصلے نے سیاسی اور بالی ووڈ کے حلقوں میں ہلچل مچا دی ہے۔ 2004 میں، گووندا نے ممبئی نارتھ سے کانگریس کے ٹکٹ پر جیتا، جس نے بی جے پی کی پانچ مدت کے سلسلے کو توڑا تاہم اداکار کو اپنے سیاسی کیرئیر کو کافی وقت نہ دینے پر تنقید کا نشانہ بنایا گیا۔
علاوہ ازیں سوارا بھاسکر، جو اپنی اداکاری کے ساتھ ساتھ اپنی سرگرمیوں کے لیے جانی جاتی ہیں، کہا جاتا ہے کہ وہ ان امیدواروں میں سے ایک ہیں جن پر کانگریس ممبئی نارتھ سینٹرل سیٹ کے لیے غور کر رہی ہے۔
اس حوالے سے رپورٹس میں یہ بھی کہا گیا ہے کہ اسی سیٹ کے لیے کانگریس کا ٹکٹ حاصل کرنے والے دوسرے امیدوار تجربہ کار اداکار راج ببر ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
