بھارت کے معروف یوٹیوبر اور بگ باس کے فاتح ایلوش یادیو، جن پر سانپ کے زہر کیس میں تحقیقات کا سلسلہ جاری ہے، کے متعلق اہم اور حیران کن انکشافات ہوئے ہیں۔

اس کیس کے حوالے سے جاری تازہ ترین رپورٹس کے مطابق گرفتاری کے تقریباً دو دن بعد، ایلویش کی جانب سے ریو پارٹیوں میں سانپ کے زہر کی فراہمی کے پیچھے مبینہ مقصد کا انکشاف ہوا ہے۔

پولیس ذرائع نے بتایا ہے کہ ان سب کے پیچھے پیسہ ایک مقصد تھا، ایلویش نے مبینہ طور پر سانپ کا زہر ‘اپنے مداحوں کی تعداد بڑھانے’ اور بظاہر یہ ظاہر کرنے کے لیے فراہم کیا کہ وہ ‘سواگ’ ہے۔

نئی رپورٹ میں پولیس ذرائع کے ان دعوؤں کی بھی تردید کی گئی ہے جس میں الزام لگایا گیا تھا کہ ایلویش نے اپنے جرائم کا اعتراف کر لیا ہے۔

خیال رہے کہ ایلوش کو اتوار کے روز نوئیڈا میں گرفتار کیا گیا تھا اور ایک مقامی عدالت کے فیصلے کے مطابق انہیں 14 روزہجوڈیشنل ریمانڈ پر جیل منقل کردیا گیا ہے۔

ایلوش کا نام سب سے پہلے پچھلے سال سانپ کے زہر کے معاملے میں سامنے آیا تھا۔ گزشتہ نومبر میں ایک ریو پارٹی کے سلسلے میں 5 افراد کے ایک گروپ کو گرفتار کیا گیا تھا۔ نوئیڈا سیکٹر 49 میں چھاپے کے دوران، پولیس نے نو سانپ برآمد کیے، جن میں پانچ کوبرا شامل تھے اور تقریباً 20 ملی لیٹر سانپ کا زہر ضبط کیا گیا۔ یہ مقدمہ وائلڈ لائف پروٹیکشن ایکٹ 1972 کی دفعات کے تحت اور تعزیرات ہند کی دفعہ 120B کے تحت مجرمانہ سازش کے تحت درج کیا گیا تھا۔