گوالیار ہائی کورٹ نے کامیڈین کپل شرما کے حق میں فیصلہ سناتے ہوئے ان کے اور ان کے مقبول شو دی کپل شرما شو کے میکرس کے خلاف دائر درخواست کو خارج کر دیا ہے۔

میڈیا رپوٹس کے مطابق دو سال قبل دائر کی گئی درخواست میں الزام لگایا گیا تھا کہ شو میں قابل اعتراض مواد ہے، جس میں خواتین اور عدلیہ کی توہین کرنے والے ریمارکس بھی شامل ہیں۔

درخواست گزار ایڈووکیٹ سریش ڈھاکڈ نے ایک خاص واقعہ کے ساتھ مسئلہ اٹھایا جس میں کمرہ عدالت کا ایک مزاحیہ منظر پیش کیا گیا تھا۔ انہوں نے دلیل دی کہ شراب نوشی کرنے والے اداکاروں کی تصویر کشی اور اشتعال انگیز ریمارکس عدالتی نظام کی بے عزتی کرتے ہیں۔

انہوں نے دفعہ 356/3 کے تحت قانونی کارروائی کا مطالبہ کیا اور حکام سے شرما اور شو کے پروڈیوسرز کے خلاف ایف آئی آر درج کرنے کی اپیل کی تاہم، گوالیار ہائی کورٹ نے دھکاڈ کے دعووں کو مسترد کرتے ہوئے درخواست کو خارج کر دیا ہے۔

عدالت نے درخواست گزار کو خبردار کرتے ہوئے کہا کہ ذاتی تشہیر کے لیے قانونی نظام کا غلط استعمال نہ کیا جائے۔

پیشہ ورانہ محاذ پر، کپل فی الحال اپنے شو، دی گریٹ انڈین کپل شرما کا انتظار کر رہے ہیں۔ شو کا ٹریلر 23 مارچ کو ریلیز کیا جائے گا۔ نیٹ فلکس شو کے علاوہ کپل اداکارہ تبو، کرینہ کپور خان اور کریتی سینن کے ساتھ فلم کریو میں بھی نظر آئیں گے۔

راجیش کرشنن کی ہدایت کاری میں بننے والی کامیڈی فلم 29 مارچ کو سینما گھروں میں ریلیز ہونے والی ہے۔