نامور گلوکارہ مالا بیگم کو مداحوں سے بچھڑے 34 سال بیت گئے

ویب ڈیسک

06th Mar, 2024. 09:31 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نامور گلوکارہ مالا بیگم کو مداحوں سے بچھڑے 34 سال بیت گئے

پاکستان کی مشہور و معروف گلوکارہ مالا بیگم کو مداحوں سے بچھڑے 34 سال بیت گئے ہیں۔

متعدد گیتوں کو اپنی آواز سے امر کرنے والی گلوکارہ مالا بیگم 9 نومبر 1939ء کو فیصل آباد میں پیدا ہوئیں۔

ان کا اصل نام نسیم نازلی تھا، 1950ء کی دہائی میں مالا اپنی بڑی بہن شمیم نازلی کے ہمراہ موسیقی کی دنیا میں اپنے نام کی شمع روشن کرنے لاہور آئیں جس کے بعد مالا بیگم نے دیکھتے ہی دیکھتے اپنی آواز کے سحر سے زمانے کو اپنا گرویدہ بنا لیا۔

مالا بیگم کو موسیقار بابا غلام احمد چشتی نے 1961ء میں پنجابی فلم’’آبرو‘‘ میں متعارف کروایا، عشق پر زور نہیں کے گیت نے انہیں شہرت کی بلندیوں پر پہنچا دیا۔

1964ء سے 1971ء تک مالا بیگم کے عروج کا دور رہا، انہیں احمد رشدی کے ساتھ فلموں میں 100 سے زائد دوگانے، گانے کا اعزاز بھی حاصل ہے۔

انہوں نے مہدی حسن، سلیم رضا، مسعود رانا، بشیر احمد، منیر حسین اور عنایت حسین بھٹی کے ساتھ بھی درجنوں سپر ہٹ گیت گائے، مالا بیگم کو دو بار نگار ایوارڈ سے نوازا گیا۔

گلوکارہ 6 مارچ 1990ء کو انتقال کرگئیں۔