پاپ سنگر احمد رشدی مرحوم کا یوم پیدائش

ویب ڈیسک

24th Apr, 2024. 03:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاپ سنگر احمد رشدی مرحوم کا یوم پیدائش

مسحور کن آواز، چلبلا انداز اور سدا بہار گیت گانے والے ماضی کے معروف گلوکار احمد رشدی کا آج یوم پیدائش ہے۔

احمد رشدی کو پاکستان کا پہلا پاپ سنگر بھی کہا جاتا ہے، جنھوں نے 70ء اور 80ء کی دہائی میں بننے والی فلموں میں اپنی مسحورکن آواز کے ذریعے شائقین موسیقی کی سماعتوں میں رس گھولے اور عمدہ نغمات کی بدولت تین دہائیوں تک فلمی صنعت پر چھائے رہے۔

شوخ و چنچل اور مزاحیہ گیتوں میں ان کا کوئی ثانی نہیں تھا،آواز کے جادوگر کہلانے والےاحمد رشدی کے گیت سدابہار ہیں۔

وہ بچپن سے ہی موسیقی کے شوقین تھے، فنی سفر ریڈیو سے کیا، ہندوستان سے آ کر 1954ء میں ”بندر روڈ سے کیماڑی“ گا کر شہرت کی بلندیوں پر پہنچ گئے۔

پاکستان فلم انڈسٹری کو ’کوکوکورینا‘ جیسے کئی یادگار گیت دیئے، اداکار علاء الدین پر فلمائے ایک گیت’’ گول گپے والا آیا ‘‘ نے ان کی شہرت کو دوام بخشا۔

احمد رشدی کو منفرد گائیکی کی وجہ سے آواز کا جادوگر بھی کہا جاتا تھا جبکہ انھیں پاکستان کا پہلا پاپ سنگر ہونے کا بھی اعزاز حاصل تھا۔

چاکلیٹی ہیرو اداکار وحید مراد کے ساتھ رشدی کی جوڑی بہت کامیاب رہی۔ مجموعی طور پر احمد رشدی نے لگ بھگ 5 ہزارگانے ریکارڈ کروائے۔

احمد رشدی نے مسلسل تین سال تک نگار ایوارڈ حاصل کیا۔

انھیں مصور، ملینئم ایوارڈز کے علاوہ ستارہ امتیاز سے بھی نوازا گیا۔ 20 برس تک گائیکی میں اپنا لوہا منوانے والے احمد رشدی 11 اپریل 1983ء کو اس جہان فانی سے کوچ کرگئے تھے۔