شعیب ملک سے علیحدگی کے بعد ثانیہ مرزا کا پہلا انٹرویو سامنے آگیا

ویب ڈیسک

13th Apr, 2024. 05:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شعیب ملک سے علیحدگی کے بعد ثانیہ مرزا کا پہلا انٹرویو سامنے آگیا

بھارتی ٹینس اسٹار ثانیہ مرزا کا پاکستانی آل راونڈر شعیب ملک سے علیحدگی کے بعد پہلا انٹرویو سامنے آگیا ہے۔

حال ہی میں ثانیہ مرزا نے اپنے دیے گئے ایک انٹرویو میں کہا کہ انہوں نے اب صبر کرنا سیکھ لیا ہے۔

انہوں نے کہا کہ اس دنیا میں شہرت اور پیسہ ہی سب کچھ نہیں اور نہ ہی یہ چیزیں اہم ہیں، اہمیت اس چیز کی ہے کہ مشکلات میں کون آپ کیساتھ کھڑا ہوتا ہے، جب سے میں ماں بنی، اس وقت سے میں نے صبر کرنا سیکھ لیا ہے۔

ان کا کہنا تھا کہ دنیا میں ہر کوئی آپ کو پسند نہیں کرسکتا اور آپ کو ان کی پرواہ نہیں کرنی چاہیے۔

ثانیہ مرزا نے بتایا کہ وہ سوشل میڈیا تنقید کو ذاتی طور پر نہیں لیتیں، ناکامی کے بعد دوبارہ کھڑا ہونا ضروری ہے، جیسا کہ آپ اسپورٹس میں کرتے ہیں۔

واضح رہے کہ ثانیہ مرزا اور شعیب ملک نے اپریل 2010 میں شادی کی تھی۔ 2018 میں ان کے ہاں ایک بیٹا پیدا ہوا۔ دسمبر 2022 میں دونوں کی علیحدگی کی افواہیں سامنے آئیں جبکہ 20 جنوری 2024 کو شعیب ملک نے اداکارہ ثنا جاوید کے ساتھ دوسری شادی کر لی۔