بالی ووڈ کے بھائی جان، سلمان خان کی سپر ہٹ فلم بجرنگی بھائی جان کا سیکوئل بنائے جانے کا امکان ہے اور اس حوالے سے پروڈیوسر نے اہم انکشافات کئے ہیں۔

میڈیا رپورٹس کے مطابق پروڈیوسر کےکے رادھاموہن نے انکشاف کیا ہے کہ فلم کے اگلے سیکوئل کے لیے اسکرپٹ کو حتمی شکل دے دی گئی ہے۔

آیوش شرما کی آنے والی فلم رسلان کی تشہیر کے دوران میڈیا سے بات کرتے ہوئے رادھاموہن نے کہا کہ وجےندرا پرساد نے بجرنگی بھائی جان 2 کا اسکرپٹ اکشے کمار کی فلم راؤڈی راٹھور 2 کے ساتھ لکھا ہے۔

پروڈیوسر کے مطابق وہ سلمان خان کو اسکرپٹ سنانے کا ارادہ رکھتے ہیں اور ان کی منظوری کے بعد پراجیکٹ کو حتمی شکل دی جائے گی۔

رادھاموہن نے بتایا کہ وجیندر پرساد نے بھجرنگی بھائی جان 2 اور راؤڈی راٹھور 2 کے علاوہ ان کے لیے اسکرپٹ کو حتمی شکل دی ہے۔

خیال رہے کہ کرینہ کپور اور سلمان خان نے اداکاری کی بجرنگی بھائی جان ایک کامیڈی ڈرامہ فلم تھی جسے کبیر خان نے لکھا اور ہدایت کی تھی اور اس کی کاسٹ میں نوازالدین صدیقی اور چائلڈ اسٹار ہرشالی ملہوترا بھی شامل ہیں۔ یہ فلم بہت سپر ہٹ ثابت ہوئی تھی

اس سے قبل رپورٹس میں کہا گیا تھا کہ بجرنگی بھائی جان کے سیکوئل میں کرینہ کپور کی جگہ پوجا ہیگڑے کو کاسٹ کیا جائے گا۔