کنگنا رناوت نے گائے کا گوشت کھانے کی بے بنیاد افواہوں کی تردید کردی

ویب ڈیسک

09th Apr, 2024. 10:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کنگنا رناوت نے گائے کا گوشت کھانے کی بے بنیاد افواہوں کی تردید کردی

بالی ووڈ کی معروف اداکارہ و سیاستدان کنگنا رناوت نے گائے کا گوشت کھانے کی بے بنیاد اور شرمناک افواہوں کی تردید کردی ہے۔

میڈیا رپورٹس کے مطابق اداکارہ و سیاستدان کنگنا رناوت نے حال ہی میں سوشل میڈیا کے ذریعے اپنے متعلق سوشل میڈیا پر گردش کرنے والی قیاس آرائیوں کی مسترد کردیا ہے۔

اداکارہ نے یوگک اور آیورویدک طرز زندگی کے لیے اپنی لگن کا اعادہ کیا اور بتایا کہ میں گائے کا گوشت یا سرخ گوشت کی کسی دوسری قسم کے استعمال سے پرہیز کرتی ہوں۔ یہ افسوسناک ہے کہ میرے متعلق مکمل طور پر بے بنیاد افواہیں پھیلائی جا رہی ہیں،جبکہ میں کئی سالوں سے یوگک اور آیورویدک طرز زندگی گزار رہی ہوں تاہم اس طرح کے ہتھکنڈے میرے امیج کو خراب کرنے میں کامیاب نہیں ہوں گے۔

انہوں نے مزید کہا کہ میرے حامی مجھے اچھی طرح جانتے ہیں، اور وہ سمجھتے ہیں کہ میں ایک قابل فخر ہندو ہوں، گمراہ کن الزامات سے بے نیاز ہوں۔

خیال رہے کہ اداکارہ کے متعلق گردش کرنے والی افواہوں کی شروعات ان کے سال 2019 میں کئے گئے ایک ٹوئٹ کے بعد سے ہوئی کہ جس میں انہوں نے گوشت کھانے کے بارے میں لکھا تھا۔

یاد رہے کہ اداکارہ کنگنا رناوت 8 سال پہلے سبزی خور ہو گئی تھیں اور یوگی بننے کا انتخاب کیا تھا۔