بھارتی سپر اسٹار رنبیر کپور بھی ماہرہ خان کی خوبصورتی کے معترف

ویب ڈیسک

03rd May, 2024. 10:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی سپر اسٹار رنبیر کپور بھی ماہرہ خان کی خوبصورتی کے معترف

بالی ووڈ کے معروف اداکار رنبیر کپور نے ایک انٹرویو کے دوران ماہرہ خان کی خوبصورتی کی تعریف کی ہے۔

میڈیا رپورٹس کے مطابق سوشل میڈیا پر وائرل ہونے والی ایک ویڈیو میں بالی ووڈ اداکار رنبیر کپور کو پاکستانی اداکارہ ماہرہ خان کی تعریف کرتے ہوئے دکھایا گیا ہے۔

یہ ویڈیو ان کے ایک پرانے انٹرویو کی ہے جس میں اداکار سے بالی ووڈ کی سب سے خوبصورت اداکاراؤں کے نام پوچھے گئے تو رنبیر کپور نے شردھا کپور کا ذکر کیا، اس کے بعد پاکستان سے تعلق رکھنے والی ماہرہ خان کا نام لیتے ہوئے انہیں “بہت خوبصورت” قرار دیا۔

بعدازاں انہوں نے عالیہ بھٹ اور دیشا پٹانی کا بھی انڈسٹری کی دیگر خوبصورتیوں کے طور پر ذکر کیا۔

“دی لیجنڈ آف مولا جٹ”، “سپر اسٹار”، “بن روئے” اور “بول” جیسی فلموں میں اپنی شاندار اداکاری کے لیے مشہور ماہرہ خان کی صلاحیتوں کی وجہ سے انہیں بین الاقوامی سطح پر پذیرائی حاصل ہوئی ہے۔

ان کے ہنر، لگن اور ان کی انسان دوست صلاحیتوں نے انہیں پاکستان اور اس سے باہر ایک پسندیدہ شخصیت بنا دیا ہے۔

خیال رہے کہ سال 2017 میں بھارتی اداکار رنبیر کپور اور پاکستانی اداکارہ ماہرہ خان کی چند تصاویر نے ایک نئے تنازعہ کو جنم دیا تھا ۔