بھارتی سنگھ کی طبیعت ناساز، سرجری کیلئے اسپتال منتقل

ویب ڈیسک

04th May, 2024. 10:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی سنگھ کی طبیعت ناساز، سرجری کیلئے اسپتال منتقل

معروف کامیڈین بھارتی سنگھ کی طبیعت ناساز ہونے اور فوری طور پر سرجری کے لئے انہیں اسپتال منتقل کردیا گیا ہے ۔

میڈیا رپورٹس کے مطابق اپنے یوٹیوب چینل پر پوسٹ کئے گئے ایک ویلاگ میں بھارتی سنگھ نے بتایا کہ وہ پیٹ میں شدید درد ہونے کی وجہ سے اسپتال میں داخل ہیں، اور ڈاکٹروں نے ان کی بگڑتی ہوئی صحت کے بارے میں انہیں فوری طوری پر سرجری کروانے کا مشورہ دیا ہے۔

ویلاگ میں بھارتی سنگھ اپنی یوٹیوب فیملی سے معافی مانگتی ہوئی نظر آئیں اور اپنی صحت کے متعلق وضاحت کی کہ مختلف ٹیسٹس کے بعد ان کے پتے میں پتھری کی نشاندہی ہوئی ہے، جس کے باعث ان کی سرجری ہوگی۔

انہوں نے بتایا کہ گذشتہ کئی روز سے پتے میں تکلیف محسوس ہورہی تھی جسے وہ معدے کا مسئلہ سمجھ رہی تھیں لیکن درد کی نوعیت میں اضافے کے وجہ سے انہوں نے چیک اپ کروانے کا فیصلہ کیا تو ڈاکٹرز نے مختلف ٹیسٹس کے بعد بتایا کہ انہیں پتے میں پتھری ہوگئی ہے۔

اس موقع پر بھارتی سنگھ اپنے بیٹے کو یاد کرنے کے متعلق بات کی جبکہ ویڈیو میں ہرش کی جھلک بھی دکھائی گئی، جو فکر مند نظر آئے۔