بالی ووڈ فلم انڈسٹری کے مشہور و معروف اداکار وویک اوبرائے نے اُن کی فلموں سے حاصل ہونے والی تمام آمدن ختم ہوگئی ہے۔

حال ہی میں اپنے دیے گئے ایک انٹرویو میں معروف اداکار وویک اوبرائے نے کہا کہ میری فلمز سے کمائی گئی آمدن اب ختم ہوگئی ہے جس کے بعد گھر چلانے کیلئے اب انہوں نے متبادل بندوبست کرلیا ہے۔

انہوں نے کہا کہ شوبز انڈسٹری میں آنے سے قبل جب میں 15 سال کا تھا تو اُس وقت ایک چھوٹا سا کاروبار شروع کیا تھا کیونکہ میں بورڈنگ اسکول سے واپس آیا تھا اور والد نے مجھے پانچ سو روپے جیب خرچ دیا تھا، جسے میں نے ایک ہی دن میں ختم کردیا تھا۔

ان کا کہنا تھا کہ چونکہ میں بورڈنگ اسکول سے آیا اس لئے خواب بہت بڑے بڑے تھے، والد سے زیادہ جیب خرچ کا تقاضہ کیا تو انہوں نے انکار کر کے میری انا کو ٹھیس پہنچایا اور پھر میں نے کام شروع کیا، جس کے بعد والد سے کبھی ایک پیسہ بھی نہیں مانگا۔

وویک اوبرائے نے بتایا کہ جب زیادہ کمائی ہوئی تو اسٹاک مارکیٹ میں پیسے لگانے کا سوچا، جس کے لیے باقاعدہ تربیت لی اور پھر 17 برس کی عمر میں اسٹاک ٹریڈنگ کی لائن میں داخل ہوا، جس کے بعد آمدن بڑھتی رہی اور گھر خریدا پھر 21 سال کی عمر میں بنگلور میں کاروبار ختم کر کے میں مزید تعلیم کے لئے نیویارک چلا گیا تھا۔

اداکار کا کہنا تھا کہ وہ امریکا سے واپس آئے تو اداکاری کا کریئر شروع ہوگیا تاہم اس دوران وہ کمپنی کا کام کرتے رہے اور آج کمپنی بڑے پیمانے پر تو موجود نہیں تاہم وہ اسٹاک مارکیٹ میں حصص کی خرید بیچ کر کے اور سروسز فراہم کر کے اپنا گزر بسر کرلیتے ہیں۔