اے آر رحمان نے ساتویں مرتبہ بڑا اعزاز اپنے نام کر لیا

ویب ڈیسک

17th Aug, 2024. 01:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اے آر رحمان نے ساتویں مرتبہ بڑا اعزاز اپنے نام کر لیا

عالمی شہرت یافتہ بھارتی گلوکار اے آر رحمان نے ساتویں مرتبہ بڑا اعزاز اپنے نام کر لیا ہے۔

بھارتی میڈیا کے مطابق عالمی شہرت یافتہ بھارتی گلوکار، میوزک ڈائریکٹر و گیت نگار اے آر رحمان ساتویں مرتبہ نیشنل ایوارڈ برائے موسیقی اپنے نام کرنے میں کامیاب ہوگئے ہیں۔

گزشتہ روز 16 اگست کو 2022 میں ریلیز ہونے والی بھارتی فلموں کے لیے 70ویں نیشنل ایوارڈز کا اعلان ہوا، فلم ایوارڈز کے فاتحین میں آسکر ایوارڈ یافتہ بھارتی گلوکار اے آر رحمان کا نام بھی شامل ہے۔

بھارتی گلوکار اے آر رحمان کو نیشنل فلم ایوارڈز میں بہترین میوزک ڈائریکٹر (بیک گراؤنڈ اسکور) کے ایوارڈ سے نوازا گیا ہے۔

اے آر رحمان کو تامل فلم ‘پونیئن سیلوان پارٹ 1′ کے لیے موسیقی کی ہدایتکاری کرنے پر ایوارڈ دیا گیا ہے، یہ فلم سال 2022 میں سُپر ہٹ ثابت ہوئی تھی۔

ساتواں نیشل فلم ایوارڈ جیتنے کے بعد اے آر رحمان بھارت میں سب سے زیادہ مرتبہ یہ ایوارڈ جیتنے والے پہلے میوزک ڈائریکٹر بن گئے ہیں جبکہ اس فہرست میں دوسرے نمبر پر ایسگنانی الیاراجہ ہیں، جنہوں یہ ایوارڈ پانچ بار اپنے نام کیا ہے۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News