بالی ووڈ کے معروف اداکار و فلم میکر فرحان اختر نے رنبیر کپور کی فلم اینیمل پر کڑی تنقید کی ہے۔

حال ہی میں اپنے دیے گئے ایک انٹرویو میں معروف اداکار و فلم میکر فرحان اختر نے کہا کہ فلم اینیمل مجھے متاثر نہیں کرسکی، اگر مجھے یہ فلم پروڈیوس کرنے کی پیشکش ہوتی تو میں منع کردیتا، فلم میں رنبیر کپور کا کردار مسئلہ تھا۔

انہوں نے کہا کہ اینیمل ایسی فلم نہیں ہے جسے میں کسی کو دیکھنے کو کہوں، یہ فلم ایسی نہیں جو مجھے چھو جائے یا متاثر کرے، اس فلم کا مرکزی کردار ہی مسائل سے بھرپور الجھا ہوا تھا۔

ان کا کہنا تھا کہ میں کبھی کسی رائٹر، پروڈیوسر یا کسی کو بھی یہ نہیں کہہ سکتا کہ یار یہ فلم مت بناؤ یا اس طرح کی فلم نہیں بننی چاہیے۔

فرحان اختر نے کہا کہ اگر کوئی مجھے بھی کوئی فلم بنانے سے منع کرے گا تو میں یہی پوچھوں گا کہ تم مجھے منع کرنے والے کون ہوتے ہو؟

معروف اداکار و فلم میکر کا کہنا تھا کہ جس چیز کی اجازت مجھے قانون اور آئین دیتا ہے میں اس حدود میں رہتے ہوئے اپنی مرضی کی فلم تخلیق کرنے کے لیے آزاد ہوں اس سے مجھے کوئی نہیں روک سکتا۔

واضح رہے کہ فلم اینیمل 2023 کی بلاک بسٹر فلم تھی جس میں رنبیر کپور نے مرکزی کردار ادا کیا تھا۔ فلم کو بے تحاشا تشدد، خون خرابے اور متنازع ڈائیلاگ کی وجہ سے شدید تنقید کا سامنا کرنا پڑا تھا۔