کیا گووندا اور سنیتا کی طلاق ہونے والی ہے؟ وکیل کا بیان سامنے آگیا

ویب ڈیسک

27th Feb, 2025. 01:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا گووندا اور سنیتا کی طلاق ہونے والی ہے؟ وکیل کا بیان سامنے آگیا

بالی ووڈ کے سینئر اداکار گووندا اور ان کی اہلیہ سنیتا آہوجا کے درمیان طلاق کے حوالے سے گووندا کے وکیل کا بیان سامنے آگیا ہے۔

اس حوالے سے گووندا کے وکیل للیت بنڈل نے انکشاف کیا ہے کہ اداکار کی اہلیہ نے چھ ماہ قبل طلاق کی درخواست دائر کی تھی لیکن اب دونوں نے اپنے مسائل خوش اسلوبی سے حل کرلیے ہیں اور دوبارہ اکٹھے ہوگئے ہیں۔

وکیل نے بتایا کہ ہم لوگ نیو ایئر پر نیپال گئے جہاں ہم نے ایک ساتھ پشوپتی ناتھ مندر میں پوجا کی اور اب ان دونوں کے درمیان سب کچھ ٹھیک ہوگیا ہے، میاں بیوی کے درمیان اس قسم کی چیزیں ہوتی رہتی ہیں۔

واضح رہے کہ گزشتہ چند دنوں سے بھارتی میڈیا پر گووندا اور سنیتا آہوجا کی طلاق سے متعلق خبریں گردش کر رہی تھیں جس نے سوشل میڈیا پر بھی تہلکہ مچا رکھا تھا۔

رپورٹ میں دعویٰ کیا گیا تھا کہ گووندا اپنی اہلیہ سنیتا سے 37 سالہ ازدواجی زندگی کے بعد طلاق لے رہے ہیں جس کی وجہ ایک اداکارہ کے ساتھ ان کے تعلقات ہیں۔