گلوکار علی حیدر نے پاکستان چھوڑنے کی وجہ بتا دی

ویب ڈیسک

25th Feb, 2025. 10:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گلوکار علی حیدر نے پاکستان چھوڑنے کی وجہ بتا دی

گلوکار علی حیدر نے کہا ہے کہ پاکستان میں رہنا غیر محفوظ ہوگیا تھا اس لئے ملک چھوڑ کر جانا پڑا۔

علی حیدر حال ہی میں ایک پوڈکاسٹ میں شریک ہوئے جہاں انہوں نے موسیقی سے دور ہونے اور اپنی نجی زندگی کے حوالے سے کھل کر گفتگو کی۔

گلوکار نے بتایا کہ انہوں نے پاپ میوزک چھوڑ کر نعتیں، حمد و ثنا اور منتقبت پڑھنا شروع کردی تھی گانوں کی طرف ان کا رجحان کم ہوگیا تھا جس کے بعد ان کیلئے حالات مشکلات سے بھر گئے اور انہیں دھمکیاں موصول ہونے لگیں۔

علی حیدر کے مطابق ان کے والد کا پرنٹنگ پریس تھا جو ان کو بند کرنا پڑا اور وہ گھر بیٹھ گئے کیونکہ دھمکیوں کی وجہ سے وہ بھی غیر محفوظ اور ان کے اہل خانہ بھی، جس کے بعد ان کی والدہ نے پریشانی کا اظہار کرتے ہوئے انہیں ملک چھوڑ کر کہیں اور منتقل ہونے کا مشورہ دیا۔

گلوکار نے مزید بتایا کہ ایک پرانے دوست جن کے ہمراہ وہ کئی کنسرٹ کر چکے تھے نے انہیں امریکہ بلا لیا اور وہ کام کیلئے وہاں گئے تاہم بیوی بچوں کے ساتھ وہیں سیٹل ہوگئے اور اب وہ وہاں ریڈیو شوز کرتے ہیں۔