مریم نواز کے ایم ایس میو اسپتال کو فارغ کرنے پر عفت عمر کی تنقید
وزیراعلیٰ پنجاب مریم نواز شریف کی جانب سے میو اسپتال کے میڈیکل سپرنٹنڈنٹ کو فارغ کرنے پر پاکستان کی معروف اداکارہ و ماڈل عفت عمر نے تنقید کی ہے۔
عفت عمر نے مریم نواز کی میؤ اسپتال کے دورے کی وائرل ویڈیو ری شیئر کرتے ہوئے اپنے ایکس پیغام میں لکھا ہے کہ میرے خیال میں ایک افسر کی یوں سرِعام تذلیل کرنا درست نہیں۔
اداکارہ نے مزید لکھا کہ اس شخص کی بات سنے اور مناسب تفتیش کیے بغیر کسی کو قومی ٹیلی ویژن پر برطرف کرنا درست بات نہیں ہے۔
واضح رہے کہ رواں ماہ 6 مارچ کو وزیراعلیٰ پنجاب مریم نواز کی میو اسپتال آمد کے موقع پر مریضوں نے شکایات کے انبار لگا دیے تھے، ان شکایات پر وزیراعلیٰ شدید برہم ہو گئی تھیں۔
انہوں نے میو اسپتال کی انتظامیہ کی سخت سرزنش کرتے ہوئے ایم ایس کو عہدے سے فوری ہٹانے کا حکم دے دیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
