بشریٰ انصاری نے پُرسکون زندگی کے رازوں سے پردہ اٹھادیا

ویب ڈیسک

20th Mar, 2025. 01:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بشریٰ انصاری نے پُرسکون زندگی کے رازوں سے پردہ اٹھادیا

پاکستان کی سینیئر اداکارہ بشریٰ انصاری نے پُرسکون اور خوشگوار زندگی کے رازوں سے پردہ اٹھادیا۔

اداکارہ بشریٰ انصاری نے اپنے حالیہ انٹرویو میں مشکل اور ناپسندیدہ حالات سے نمٹنے اور پُرسکون و خوش باش زندگی کے لیے اپنے مداحوں کے ساتھ چند باتیں شیئر کیں۔

بشریٰ انصاری نے بتایا کہ اگر زندگی کو پُرسکون اور خوش باش بنانا چاہتے ہیں تو چند باتیں ذہن میں بٹھالیں، جو چیزیں آپ کے پاس ہیں ان پر خوش ہوں اور جو دسترس میں نہیں اُن پر افسوس اور رنجیدہ نہ ہوں۔

انہوں نے کہا کہ کوئی بدتمیزی کرے تو جواب دینے کے بجائے صبر سے کام لیں اور وقت کا انتظار کریں، آپ سے بدتمیزی کرنے والے خود نادم ہوں گے، کوئی ناراض ہوجائے تو خود جا کر معافی مانگیں اور رشتوں کو بہتر بنانے کی کوشش کریں۔

بشریٰ انصاری نے دوسروں کے جذبات اور احساسات کا احترام کرتے ہوئے کہا کہ میں اس وقت تک سکون سے نہیں سوتی جب تک مجھے یقین نہ ہو جائے کہ کسی دوست یا قریبی شخص کو میری کسی بات یا عمل سے تکلیف نہیں پہنچی۔

اداکارہ نے مزید کہا کہ اگر ان چھوٹی چھوٹی باتوں پر عمل کرلیا جائے تو آپ کی زندگی سکون میں آجائے گی اور کبھی ڈپریشن کا شکار نہیں ہوں گے۔