رابعہ انعم کا شوبز ستاروں میں گھریلو تشدد کا انکشاف

ویب ڈیسک

10th Apr, 2025. 11:58 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

رابعہ انعم کا شوبز ستاروں میں گھریلو تشدد کا انکشاف

پاکستان ٹی وی کی اینکر اور ہوسٹ رابعہ انعم نے شوبز ستاروں میں گھریلو تشدد کا انکشاف کیا ہے۔

رابعہ انعم نے اپنے ایک حالیہ انٹرویو میں انکشاف کیا ہے کہ کئی معروف شوبز شخصیات اپنی بیویوں پر گھریلو تشدد کرتے ہیں، مگر سماجی دباؤ کے باعث یہ واقعات عام نہیں ہوپاتے۔

اینکر رابعہ انعم نے بتایا کہ وہ ذاتی طور پر کئی ایسے جوڑوں کو جانتی ہیں جہاں یہ المناک صورتحال موجود ہے۔

ان کا کہنا تھا کہ میرا مؤقف ہمیشہ سے واضح رہا ہے، میں کسی ایسے شخص کے ساتھ کھڑی نہیں ہوسکتی جس پر گھریلو تشدد کا الزام ہو، چاہے وہ کتنا ہی بڑا اسٹار کیوں نہ ہو۔

رابعہ انعم نے کہا کہ جب تک متاثرہ خواتین خود آواز اٹھانے کو تیار نہ ہوں، وہ کسی پر الزام نہیں لگا سکتیں، یہ کوئی ذاتی معاملہ نہیں بلکہ اصولوں کی بات ہے۔

ان کا یہ جرات مندانہ مؤقف سماجی حلقوں میں سراہا جارہا ہے اور امید کی جا رہی ہے کہ اس سے متاثرہ خواتین کو ہمت ملے گی۔

رابعہ نے ماضی میں ندا یاسر کے شو سے اختلاف کی بنیاد پر چلے جانے کے واقعے کا بھی ذکر کیا لیکن واضح کیا کہ اب دونوں کے درمیان تعلقات بہتر ہیں۔

اینکر رابعہ انعم نے کسی مخصوص شخص کا نام نہیں لیا، لیکن ان کے اس بیان نے سوشل میڈیا پر زبردست بحث چھیڑ دی ہے، صارفین نے ماضی میں فیروز خان اور محسن عباس حیدر پر لگے تشدد کے الزامات کو بھی دہرایا ہے۔