گاڑی بم سے اڑا دیں گے، سلمان خان کو نئی دھمکی موصول

ویب ڈیسک

15th Apr, 2025. 10:53 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گاڑی بم سے اڑا دیں گے، سلمان خان کو نئی دھمکی موصول

بالی ووڈ سپر اسٹار سلمان خان کی گاڑی کو بم سے اڑا دینے کی نئی دھمکی موصول ہوئی ہے۔

بھارتی میڈیا رپورٹس کے مطابق یہ دھمکی سلمان خان کو پیر کے روز واٹس ایپ کے ذریعے ممبئی کے ورلی ٹریفک ڈپارٹمنٹ کے آفیشل نمبر پر بھیجی گئی ہے۔

پیغام میں کہا گیا کہ سلمان خان کو ان کے گھر میں قتل کر دیا جائے گا اور ان کی کار کو بم سے اُڑا دیا جائے گا۔

اس معاملے پر ممبئی پولیس فوری طور پر حرکت میں آگئی اور نامعلوم شخص کے خلاف ایف آئی آر درج کر لی۔

سیکیورٹی اداروں نے سلمان خان کی رہائش گاہ کے اردگرد حفاظتی اقدامات مزید سخت کر دیے ہیں۔

واضح رہے کہ سلمان خان ان دنوں اپنے خاندان کے ہمراہ ممبئی کے علاقے باندرہ میں گلیکسی اپارٹمنٹس میں رہائش پذیر ہیں۔

تاہم سلمان خان کو گزشتہ 2 سالوں میں 5 ویں مرتبہ جان سے مار دینے کی دھمکی موصول ہوچکی ہے۔