ہانیہ عامر اور کرینہ کپور کا ایک ہی طرح کا لباس و انداز، بہتر کون؟

ویب ڈیسک

09th Apr, 2025. 10:37 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہانیہ عامر اور کرینہ کپور کا ایک ہی طرح کا لباس و انداز، بہتر کون؟

پاکستانی ڈمپل کوئین ہانیہ عامر اور بالی ووڈ حسینہ کرینہ کپور نے ایک ہی جیسے رنگ کا لباس و مرر دوپٹہ لے کر مداحوں کو خوشگوار حیرت میں ڈال دیا۔

حالیہ دنوں میں پاکستانی اداکارہ ہانیہ عامر اور بالی ووڈ کی اسٹائل کوئین کرینہ کپور خان کے ایک جیسے مرر دوپٹہ لُک نے سوشل میڈیا پر خاصی دھوم مچائی ہوئی ہے۔

ہانیہ عامر نے اس خاص دوپٹے کو نہایت نفاست اور جدت سے اسٹائل کیا اور اپنے فینز سے خوب داد وصول کی، ان کا میک اپ، ہیئر اسٹائل اور مجموعی انداز سادگی میں خوبصورتی کی مثال بن گیا۔

اس سے پہلے کرینہ کپور خان کو بھی یہی مرر ورک دوپٹہ پہنے دیکھا گیا تھا لیکن انہوں نے اسے ایک انارکلی لباس اور روایتی جیولری کے ساتھ پہنا تھا اور ان کا انداز کافی شاہانہ، کلاسیکل اور مکمل بالی ووڈ اسٹائل میں تھا۔

جیولری، پرفیکٹ ہیئر اسٹائل اور اعتماد کے ساتھ کرینہ نے اس دوپٹے کو ایک بالکل مختلف لُک میں پیش کیا۔

جیسے ہی ہانیہ عامر کی اس دوپٹے کے ساتھ تصاویر سامنے آئیں سوشل میڈیا پر موازنہ شروع ہو گیا۔

کچھ صارفین نے کہا کہ ہانیہ کی سادگی میں خوبصورتی ہے، وہ ہر چیز کو اپنا بنا لیتی ہیں جبکہ دوسرے صارفین کا کہنا تھا کہ کرینہ کا شاہی انداز اور جیولری اس دوپٹے کے ساتھ زیادہ انصاف کر رہا ہے۔