معروف اداکار و کامیڈین جاوید کوڈو انتقال کر گئے

ویب ڈیسک

13th Apr, 2025. 10:12 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف اداکار و کامیڈین جاوید کوڈو انتقال کر گئے

اسٹیج اور ٹی وی کے معروف اداکار و کامیڈین جاوید کوڈو 63 برس کی عمر میں لاہور میں انتقال کر گئے۔

اہل خانہ کے مطابق کامیڈین جاوید کوڈو بلڈ پریشر، شوگر سمیت مختلف بیماریوں میں مبتلا تھے اور جنرل اسپتال میں زیر علاج تھے۔

جاوید کوڈو نے 1980 کی دہائی میں اپنے فنی سفر کا آغاز کیا اور اپنی منفرد اداکاری، مزاحیہ انداز اور چھوٹے قد کی وجہ سے جلد ہی عوام میں مقبولیت حاصل کرلی تھی، انہوں نے 150 سے زائد اردو و پنجابی فلموں، سیکڑوں اسٹیج ڈراموں اور ٹی وی شوز میں اپنی صلاحیتوں کے جوہر دکھائے۔

اداکار جاوید کوڈو نے سوگواران میں بیوہ، دوبیٹے اور ایک بیٹی چھوڑی، مرحوم کی نماز جنازہ آج مغلپورہ میں ادا کی جائے گی۔

فلم اور ٹی وی کے حلقوں نے جاوید کوڈو کے انتقال پر گہرے دکھ اور افسوس کا اظہار کیا اور ان کی فنی خدمات کو خراج تحسین پیش کیا ہے۔

دوسری جانب وزیر اعلیٰ پنجاب مریم نواز شریف نے بھی منفرد اداکار جاوید کوڈو کے انتقال پر اظہار افسوس کرتے ہوئے سوگوار خاندان سے دلی ہمدردی و اظہار تعزیت کیا ہے۔