اپنی بیٹیوں کو شوبز انڈسٹری کا حصہ نہیں بنانا چاہتی، آمنہ ملک

ویب ڈیسک

09th Apr, 2025. 02:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اپنی بیٹیوں کو شوبز انڈسٹری کا حصہ نہیں بنانا چاہتی، آمنہ ملک

پاکستان شوبز انڈسٹری کی نامور اداکارہ آمنہ ملک نے کہا ہے کہ اپنی بیٹیوں کو شوبز انڈسٹری کا حصہ نہیں بنانا چاہتی۔

اداکارہ آمنہ ملک نے ایک پوڈ کاسٹ میں انٹرویو دیتے ہوئے کہا کہ میں نے ساری زندگی انڈسٹری میں گزاری ہے اور ابھی بھی اس انڈسٹری کا حصہ ہوں مگر میں نہیں چاہوں گی کہ میری بیٹیاں اس شعبے سے وابستہ ہوں۔

انہوں نے کہا کہ ہمارے ہاں راتوں رات اداکار نہیں بنا جاتا، اداکار بننے کے لیے جدوجہد کرنی پڑتی ہے اور جدوجہد کے اس سفر میں بہت سی اور چیزیں بھی شامل ہوتی ہیں۔

آمنہ ملک نے بتایا کہ ڈراموں میں مرکزی کردار ادا کرنے والی اداکارائیں دیگر اداکاراؤں اور اسٹاف کے ساتھ بہت برا رویہ اختیار کرتی ہیں، جس طرح سے بات کی جاتی ہے میں کبھی نہیں چاہوں گی کہ میری بیٹی سے کوئی اس طرح سے بات کرے یا اُسے بری نظر سے دیکھا جائے۔

انٹرویو کے دوران اداکارہ نے انکشاف کیا کہ انڈسٹری میں بہت سے ایسے لوگ بھی موجود ہیں جو کہتے ہیں ہم کراچی آرہے ہیں، آپ آج کیا کر رہی ہیں، کیا آپ کافی پینے چلیں گی؟ میں ایسی پیشکش پر انکار کر دیتی ہوں۔

واضح رہے کہ اداکارہ، میزبان و ماڈل آمنہ ملک کی 2 بیٹیاں ہیں۔