پاکستانی شوبز انڈسٹری کے معروف اداکار فیصل قریشی نے بھارت کی جانب سے حالیہ بزدلانہ حملوں پر سخت ردِعمل کا اظہار کرتے ہوئے کہا ہے کہ ہوش کے ناخن لیں، بھارتیوں کو سچ دکھائی دیتا ہے یا نہیں۔
اپنے انسٹاگرام اکاؤنٹ پر جاری کردہ ایک ویڈیو بیان میں فیصل قریشی نے بھارت کے حملے میں ایک بے گناہ بچے کی شہادت کو دل دہلا دینے والا واقعہ قرار دیتے ہوئے کہا کہ کسی بھی انسانی سانحے پر خوشی منانا شرمناک عمل ہے۔
اداکار کا کہنا تھا کہ پہلگام میں ہونے والے واقعات ابھی تک ثابت نہیں ہوئے اور نہ ہی ان کے ثابت ہونے کا امکان ہے، لیکن بھارتیوں کی کارروائی پوری دنیا نے دیکھی ہے۔
Advertisement
مزید پڑھیں: نفرت کی سیاست سے کچھ نہیں ملے گا، فیصل قریشی کی مودی حکومت پر تنقید
انہوں نے بھارتیوں سے سوال کیا کہ آخرکار تمہیں کیا کامیابی حاصل ہوئی؟ تمہارے جہاز گرے ہیں اور تم نے ایک معصوم بچے کو شہید کیا ہے، جس پر ہمیں گہرا دکھ ہے۔
فیصل قریشی نے بھارتی فنکاروں کو آڑے ہاتھوں لیتے ہوئے کہا کہ ہم مسلمانوں کے لیے شہادت کو ایک عظیم مرتبہ سمجھتے ہیں، مگر تمہاری وجہ سے ایک بے گناہ بچہ شہید ہوا ہے۔
انہوں نے اس بات پر بھی زور دیا کہ پاکستانیوں کو اظہارِ رائے کی آزادی حاصل ہے جبکہ بھارتی فنکار ریاستی دباؤ کے تحت اپنے بیانیے کی حمایت کرنے پر مجبور ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
