نیٹ فلکس سیریز ’’یو‘‘ کے سپر اسٹار پین بیڈگلی نے انکشاف کیا ہے کہ وہ قرآن پاک کو ساتھ رکھتے ہیں اور اس پر غور و فکر بھی کرتے ہیں۔

نیٹ فلکس کی مقبول سیریز ’’یو‘‘ کے مرکزی اداکار پین بیڈگلی نے حالیہ انٹرویو میں انکشاف کیا ہے کہ وہ اپنے بیڈ کے ساتھ قرآن پاک کی ایک کاپی رکھتے ہیں جس پر کبھی کبھار غور و فکر بھی کرتے ہیں۔

انہوں نے امریکی خبر رساں ادارے سے گفتگو میں بتایا ’’میرے نائٹ اسٹینڈ پر قرآن پاک رکھا ہوا ہے جس کی کچھ آیات پر میں مراقبہ بھی کرتا ہوں‘‘۔

اس انکشاف کے بعد مداحوں نے سوشل میڈیا پر مثبت ردعمل کا اظہار کیا ہے، ایک صارف نے انسٹاگرام پر لکھا ’’قرآن کے احترام کا اعتراف کرنے پر ان سے محبت ہو گئی‘‘۔

یہ بھی پڑھیں: تمہیں تو میں نے حافظ قرآن بنایا تھا، موسیقار کیسے بن گئے؟

ایک اور صارف میسا نے اداکار کے مذہب “بہائیت کا حوالہ دیتے ہوئے کہا ’’یہ کتاب ان کے لیے ایک بالکل مختلف انداز سے پڑھی جائے گی‘‘۔

یاد رہے کہ یاپین بیدگلی کا تعلق بہائی مذہب سے ہے جو تمام مذاہب کی وحدت اور وقت کے ساتھ ساتھ الٰہی ہدایت کے ارتقا پر یقین رکھتا ہے۔ وہ اپنی صبح کا آغاز خاص دعاؤں سے کرتے ہیں جس کا ذکر وہ پہلے بھی انٹرویوز میں کرچکے ہیں۔

واضح رہے کہ اس سے قبل بھی کچھ ہالی وڈ شخصیات قرآن پاک سے متعلق اپنے تجربات بیان کرچکی ہیں۔ مارچ 2024 میں اداکار ول اسمتھ نے قرآن پاک کو ’’انتہائی واضح اور روحانی طور پر خوبصورت کتاب‘‘ قرار دیا تھا۔