دبئی میں ہونے والے ایک رنگا رنگ ایونٹ میں اس وقت دلچسپ صورتحال پیدا ہوگئی جب بالی ووڈ کی معروف اداکارہ اور ڈانسر نورا فتیحی نے مشہور پاکستانی یوٹیوبر ڈکی بھائی کو اسٹیج پر ڈانس کے لیے مدعو کر لیا۔

ایونٹ کی جھلکیاں ڈکی بھائی کے ولاگ میں ریکارڈ کی گئی ہیں، جہاں وہ اپنے قریبی دوست حمزہ کے ہمراہ شریک تھے۔ حمزہ نے ہنستے ہوئے مذاق میں کہا تھا کہ کیا پتا نورا تمہیں اسٹیج پر بلا لے اور حیرت انگیز طور پر چند لمحوں بعد یہی ہوا۔

جیسے ہی نورا فتیحی نے مائیک پر ڈکی کو اسٹیج پر بلایا، ماحول قہقہوں سے گونج اٹھا، ڈکی بھائی اس اچانک دعوت پر مکمل طور پر گھبرا گئے اور اسٹیج پر پہنچ کر جیسے “منجمد” ہو گئے، نہ کوئی ڈانس موو، نہ کوئی ردعمل، صرف حیرانی اور شرمندگی کے ملے جلے تاثرات نظر آئے۔

بعد ازاں اپنے دوست سے گفتگو کرتے ہوئے ڈکی بھائی نے ہنستے ہوئے کہا کہ میں نے پہلے ہی کہا تھا کہ میں ڈانس نہیں کرتا!

ساتھ ہی مذاقاً یہ بھی کہا کہ اب تو پورا پاکستان مجھ پر تھوکے گا کیونکہ میں ایک بھی ڈانس موو نہیں کر پایا۔

یہ دلچسپ اور غیر متوقع لمحہ دیکھتے ہی دیکھتے سوشل میڈیا پر وائرل ہو گیا، مداحوں نے تبصروں اور میمز کے ذریعے ڈکی کی گھبراہٹ کو بھرپور انجوائے کیا اور کچھ نے تو نورا کی اس چالاکی کو بھی سراہا کہ کس طرح انہوں نے ایونٹ کو مزید یادگار بنا دیا۔

ڈکی بھائی کا منفرد انداز، نورا فتیحی کی سحر انگیز موجودگی اور ان دونوں کا یہ بے ساختہ لمحہ مداحوں کے لیے ایک یادگار تفریحی منظر بن گیا ہے۔