بھارت میں سوشل میڈیا اکاؤنٹس بلاک؛ اشنا شاہ کا مودی حکومت پر طنز

ویب ڈیسک

01st May, 2025. 03:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارت میں سوشل میڈیا اکاؤنٹس بلاک؛ اشنا شاہ کا مودی حکومت پر طنز

پاکستان شوبز انڈسٹری کی معروف اداکارہ و میزبان اشنا شاہ نے بھارتی حکومت کی جانب سے بلاک کیے گئے اپنے انسٹاگرام اکاؤنٹ پر مودی سرکار پر طنزیہ وار کردیا۔

اداکارہ اشنا شاہ نے فوٹو اور ویڈیو شیئرنگ پلیٹ فارم انسٹاگرام پر ایک نئی اسٹوری شیئر کی، جس میں انہوں نے بھارت میں اپنے اکاؤنٹ پر عائد پابندی سے متعلق آگاہ کیا اور اس پابندی کا اسکرین شاٹ بھی مداحوں کے ساتھ شیئر کیا۔

اسٹوری کے کیپشن میں اشنا شاہ نے اپنی بھرپور حسِ مزاح کا استعمال کرتے ہوئے بھارت کی اس بچکانہ حرکت پر طنز کیا۔
اسکرین شاٹ

اداکارہ نے اپنی اسٹوری کے کیپشن میں بھارت کی جانب سے کی گئی اس پابندی کو غیر منطقی قرار دیتے ہوئے تنقیدی انداز میں ردعمل دیا۔

اشنا شاہ نے لکھا کہ “میری دنیا ہی اجڑ گئی ابھی، مودی جی، یہ کیا کر دیا؟” اور اس پیغام میں انہوں نے دل ٹوٹنے اور آنسوؤں کے ایموجیز کا استعمال کیا ہے۔

مزید پڑھیں: بھارت میں پاکستانی اداکاروں کے سوشل میڈیا اکاؤنٹس بلاک

پاکستانی فنکاروں کے خلاف بھارت کی یہ پابندیاں نیا معمول بنتی جا رہی ہیں، مگر اشنا شاہ نے اس موقع کو ہنسی مزاح میں تبدیل کرتے ہوئے ثابت کردیا کہ وہ کسی بھی پریشانی میں بھی اپنے جذبے اور مزاح کو برقرار رکھ سکتی ہیں۔