بھارتی اسٹار کرکٹر ویرات کوہلی کو 23 سالہ اداکارہ کی تصویر کو لائک کرنا مہنگا پڑ گیا، سوشل میڈیا پر شدید ٹرولنگ کے بعد ویرات کوہلی وضاحت دینے پر مجبور ہوگئے، ویرات کوہلی کا کہنا ہے کہ ایسا غلطی سے ہوا، ان کا کوئی ایسا ارادہ نہیں تھا۔

ویرات کویلی کی جانب سے اونیت کور کی جس تصویر کو لائک کرنے کے بعد تنازعہ کھڑا ہوا ہے، وہ اونیت کور کی ایک بولڈ تصویر تھی، جس کو ایک فین پیج پر پوسٹ کیا گیا تھا، تصویر میں اونیت کور نے سبز رنگ کا ٹاپ اور منی اسکرٹ پہنا ہوا تھا۔

صارفین نے جب اداکارہ کی بولڈ تصویر پر ویرات کوہلی کا لائک دیکھا تو شدید ٹرولنگ شروع کردی، کچھ صارفین نے تصویر پر ویرات کوہلی کی بیوی انوشکا شرما کو بھی ٹیگ کیا، اور معنی خیز سوال کئے۔

ویرات کوہلی کا لائیک دیکھتے ہی دیکھتے ہوئے وائرل ہوگیا اور سوشل میڈیا صارفین نے میمز کی بھرمار کردی۔

معاملے کی شدت کو دیکھتے ہوئے ویرات کوہلی نے انسٹاگرام اسٹوری پر وضاحتی پیغام جاری کیا۔

کوہلی نے کہا کہ میں یہ واضح کرنا چاہتا ہوں کہ جب میں اپنی انسٹاگرام فیڈ کلئیر کر رہا تھا تو ممکن ہے کہ الگورتھم کی وجہ سے غلطی سے لائیک ہوگیا ہو، ایسا کوئی ارادہ نہیں تھا، میں گزارش کرتا ہوں کہ بلا وجہ قیاس آرائیوں سے گریز کیا جائے۔

واضح رہے کہ اونیت کور کئی ہندی فلموں اور ٹیلی ویژن پر اداکاری کے جوہر دکھا چکی ہیں۔

گزشتہ دنوں بھارتی کرکٹر شمبن گل کی اداکارہ اونیت کور کے ساتھ ڈیٹنگ کی افواہیں میڈیا کی زینت بنی رہیں۔