پاکستان کے معروف گلوکار اور اداکار فرحان سعید کو اپنی نئی فلم شمشیر کی پروموشن کے دوران بھارتی برانڈ کا لباس پہننے پر سوشل میڈیا صارفین کی جانب سے شدید تنقید کا سامنا کرنا پڑ رہا ہے۔

فلم شمشیر پاکستان کے قومی کھیل ہاکی پر مبنی ہے، جس کی کہانی قومی جذبے سے جڑی یادوں اور ماضی کی فتوحات کو اجاگر کرتی ہے، فلم کے حوالے سے شائقین میں خاصی دلچسپی پائی جا رہی ہے اور پروموشن تقریبات زور و شور سے جاری ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Farhan Saeed (@farhan_saeed)

Advertisement

تاہم، فلم کی ایک پروموشن تقریب میں فرحان سعید نے جو لباس زیب تن کیا، اس کی تصاویر جب سوشل میڈیا پر وائرل ہوئیں تو چند صارفین نے نشاندہی کی کہ یہ لباس ایک بھارتی ڈیزائنر کا تیار کردہ ہے۔

اس انکشاف کے بعد صارفین کی ایک بڑی تعداد نے فرحان سعید پر تنقید شروع کر دی، ان کا کہنا تھا کہ ایسے وقت میں جب بھارت کی جانب سے پاکستان کے خلاف جارحانہ رویہ اختیار کیا گیا ہے، پاکستانی فنکاروں کو بھارتی مصنوعات یا برانڈز کی تشہیر سے گریز کرنا چاہیے۔

ایک صارف نے لکھا کہ جب بھارت معصوم شہریوں پر بم برسا رہا ہے، تو ہمیں ان کی مصنوعات کو فروغ دینا زیب نہیں دیتا۔ جبکہ ایک اور صارف نے کہا کہ فرحان سعید جیسے فنکاروں کو اپنی ثقافت اور فیشن انڈسٹری کو آگے بڑھانے میں کردار ادا کرنا چاہیے، نہ کہ بیرونی برانڈز کو پروموٹ کرنا۔

دوسری جانب کچھ صارفین نے فرحان سعید کا دفاع بھی کیا اور کہا کہ لباس کا تعلق فن سے ہے اور ہر چیز کو سیاست سے جوڑنا مناسب نہیں، تاہم اکثریتی رائے یہی رہی کہ قومی وقار اور خود انحصاری کے لیے اپنے مقامی ڈیزائنرز کو ترجیح دینا چاہیے۔

یاد رہے کہ فرحان سعید کی نئی فلم شمشیر اپنی نوعیت کی ایک منفرد کاوش سمجھی جا رہی ہے اور شائقین کو امید ہے کہ یہ فلم قومی کھیل ہاکی سے وابستہ جذبے کو دوبارہ زندہ کرے گی۔