پاکستان کے معروف گلوکار، موسیقار اور اداکار علی ظفر نے عیدالاضحیٰ کے موقع پر اپنے ایک نئے ثقافتی گانے کی ریلیز کا اعلان کرتے ہوئے مداحوں کو عید کا تحفہ دے دیا۔

سوشل میڈیا پلیٹ فارم انسٹاگرام پر دی گئی پوسٹ میں علی ظفر نے اپنے مداحوں کو ایک اور “ثقافتی دھماکے” کے لیے تیار رہنے کا مشورہ دیا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Ali Zafar (@ali_zafar)

Advertisement

اپنی پوسٹ میں علی ظفر نے لکھا کہ تیار ہوجائیں، اس عید پر آرہا ہے اگلا ثقافتی دھماکا! ساتھ ہی انہوں نے اپنے فالوورز کو مدعو کیا کہ وہ اندازہ لگائیں کہ اس بار وہ کس زبان، علاقے یا لوکل آرٹسٹ کے ساتھ تعاون کر رہے ہیں۔

اس سے قبل بھی علی ظفر پاکستان کی مختلف علاقائی زبانوں میں گانے پیش کر چکے ہیں جن میں بلوچی، سندھی، پشتو اور سرائیکی شامل ہیں، ان کے گانوں نے نہ صرف علاقائی ثقافتوں کو موسیقی کے ذریعے اُجاگر کیا بلکہ قومی یکجہتی کے پیغام کو بھی فروغ دیا۔

یاد رہے کہ علی ظفر کے سرائیکی گانے “بالو بتیاں” اور پشتو ٹریک “لارشا پخاور” کو بےحد مقبولیت حاصل ہوئی تھی، جنہیں یوٹیوب اور دیگر پلیٹ فارمز پر لاکھوں بار دیکھا جاچکا ہے۔

مداحوں میں اس نئے گانے کے حوالے سے خاصا جوش و خروش پایا جارہا ہے اور سوشل میڈیا پر اندازے لگانے کا سلسلہ بھی جاری ہے کہ اس بار علی ظفر کون سی زبان یا خطے کی نمائندگی کریں گے۔